OMUTWE OGURI AHA MUNAARA | NOOBAASA KUBA HAIHI NA RUHANGA
Tihariho Ekirikukira Eki
Noobaasa kukora ki kwirira haihi Ruhanga? Twaheza kwetegyereza emiringo eri ahaifo oku orikubaasa kugira omukago guhami na Ruhanga.
Manya kandi okorese eiziina rya Ruhanga, Yehova
Gaaniira nawe butoosha orikumushaba kandi okeega Ekigambo kye Baibuli
Gumizamu orikukora ebirikushemeza Yehova
Irira haihi Ruhanga orikukoresa eiziina rye, orikumushaba, orikwega Ekigambo kye, kandi orikukora ebi arikukunda
Orikwihirira aha nshonga ezi noobaasa kugira ngu nookora kyona ekirikubaasika kwirira haihi Ruhanga? Hariho empindahinduka ezi orikubaasa kukora? Hatariho kubanganisa nikyetengyesa okuteeraho munonga, kwonka teekateeka aha birungi ebirikurugamu.
“Okuteeraho kwona kugira omukago na Ruhanga tikurimu kwefuuza,” nikwo Jennifer kuruga United States yaagizire. “Okugira omukago nk’ogu kurimu emigisha mingi nk’okwesiga Ruhanga, okwetegyereza emitwarize ye, n’okukira munonga, rukundo. Tihariho ekirikukira eki!”
Ku oraabe nooyenda kugira omukago murungi na Ruhanga, Abajurizi ba Yehova nibaija kushemererwa kukuhwera. Nibabaasa kukora naiwe entebeekanisa y’okukwegyesa Baibuli hatariho kushashura. Kandi nooyetwa n’okwija omu nteerane zaitu aha Kyombeko ky’Obukama, ahu orikwija kuba hamwe n’abo abarikusiima okugira omukago murungi na Ruhanga.a Ku oraakore otyo, noija kwehurira nk’omuhandiiki wa zaaburi owaagizire ati: “Ekirungi ahariinye n’okwirira haihi Ruhanga.”—Zaaburi 73:28.
a Kubaasa kushaba kwegyesibwa Baibuli, nari kumanya Ekyombeko ky’Obukama ekiri haihi, noobaasa kugamba n’omuntu owaakuhaire magaziini egi nari za aha Mukura gwaitu www.jw.org, reero oreebe omutwe HURIZANA NAITWE oguri ahansi.