Ebibuuzo Ebi Baibuli Erikugarukamu
Obubi niburuga nkahi?
N’Oha owaateireho kureetera yesu kukora ekibi?—Matayo 4:8-10
Abantu nibaba nibenda kuba ab’obusingye, abeesigwa, kandi abanyambabazi. Mbwenu shi ahabw’enki nitukira kureeba obushaarizi, obutari buringaaniza, n’obukambwe? Hariho amakuru maingi agarikutiinisa. Mbwenu shi hariho orikuteeraho kureetera abantu kutwaza kubi?—Shoma 1 Yohaana 5:19.
Mbwenu shi Ruhanga akahanga abantu baine omuze gw’okukora ebibi? Ngaaha, Yehova Ruhanga akahanga abantu omu nshusha ye, barikubaasa kumutooreza omu kworeka rukundo. (Okutandika 1:27; Yobu 34:10) Kwonka Ruhanga akaha abantu obugabe bw’okwecweramu. Abazaire baitu b’okubanza ku baacwiremu kutwaza kubi, bakanga kutooreza Ruhanga baaba abatahikiriire. Tukabahunguraho omuze gw’okushiisha.—Shoma Eky’Ebiragiro 32:4, 5.
Mbwenu shi obubi nibwija kugumaho?
Ruhanga naayenda ngu twetantare omuze gw’okukora ebibi. (Enfumu 27:11) N’ahabw’ekyo, naatwegyesa oku turikubaasa kwetantara okukora ebibi n’okutunga okushemererwa okwabuzima. Kwonka hati, titurikubaasa kugira rukundo nk’eya Ruhanga omu bwijwire.—Shoma Zaaburi 32:8.
Hati n’obu haraabe hariho obubi bwingi, Ruhanga naabureka kubaho kumara obwire bukye, abantu boona kubaasa kureeba ebibi ebi burikureetaho. (2 Petero 3:7-9) Kwonka omu bwire butari bwa hare, ensi neija kwijura abantu abashemereirwe abarikworobera Ruhanga.—Shoma Zaaburi 37:9-11.