Baibuli Neeyegyesa Ki?

Baibuli neebaasa kukuhwera kwemera amaganya?

Noobaasa kugarukamu ota?

• Eego

• Ngaaha

• Obundi

Eki Baibuli Erikwegyesa

“[Ruhanga] mumwegyekyerere okushoberwa kwanyu kwona, ahabw’okuba naabataho omutima.” (1 Petero 5:7) Baibuli neeha obuhame ngu Ruhanga naabaasa kukuhwera orekyere aho okuganya.

Niki ekindi eki turikwega omu Baibuli?

• Kurabira omu kushaba noobaasa kutunga “obusingye bwa Ruhanga” oburikutuubya aha kwerarikirira.​—Abafilipi 4:6, 7.

• Kandi, okushoma Ekigambo kya Ruhanga, nikubaasa kukuhwera kwemera amaganya.​—Matayo 11:28-30.

Amaganya nigaija kuhweraho kimwe?

Abantu abamwe nibaikiriza . . . ngu twine kuguma nitwerarikirira kandi nitutunga amaganya, kandi abandi nibagira ngu amaganya nigahwaho waaheza kufa. Eki nookiteekateekaho ki?

Eki Baibuli Erikwegyesa

Ruhanga naija kwihaho ebirikureeta amaganya. “Tiharibaho kufa bundi, n’obu kwakuba okucura nari okurira nari obusaasi.”​—Okushuuruurwa 21:4.

Niki ekindi eki turikwega omu Baibuli?

• Obukama bwa Ruhanga ku buraatandike kutegyeka ensi, abantu nibaija kugira obusingye n’obuhuumure.​—Isaaya 32:18.

• Okwerarikirira okubi n’obujune nitwija kubyebwa.​—Isaaya 65:17.