Akabokisi K’ebibuuzo

◼ N’oha oshemereire kwanjura ekyeshongoro ekirikwiguraho Eishomero ry’Obuheereza, Oruteerane rw’Obuheereza, Oruteerane rwa Boona, n’Okuhanuura ahari Watchtower, kandi ata?

Ekyeshongoro eky’okwiguraho Eishomero ry’Obuheereza buri saabiiti nikiihwa omu Ntebeekanisa y’Eishomero ry’Obuheereza ey’omwaka gwona erikwizira omu Obuheereza Bwaitu obw’Obukama aka Okitoba. Ekyeshongoro ekirikwiguraho n’ekirikuhendera Oruteerane rw’Obuheereza buri saabiiti nibishangwa aha rupapura 2 orwa Obuheereza Bwaitu obw’Obukama. N’ebyeshongoro eby’okukoresa turikuhanuura ahari Watchtower buri saabiiti nibishangwa omuri Watchtower egyo. Ebyeshongoro ebirikuba bitoorainwe nibibarwa nk’ekicweka ky’oruteerane oru birimu, n’ahabw’ekyo bishemereire kwanjurwa ow’eishe-emwe oraayebembere oruteerane orwo beitu atari owaayebembera orwarugaho.

Nk’eky’okureeberaho, orikwebembera Eishomero ry’Obuheereza naija kwakiira abantu, ayanjure ekyeshongoro ky’okwiguraho, ayebembere eishomero, bwanyima ayete omugambi w’okubanza omu Ruteerane rw’Obuheereza aha puratifoomu. Ow’eishe-emwe oine ekicweka ky’okubanza omu Ruteerane rw’Obuheereza niwe ashemereire kwanjura ekyeshongoro eky’okurwiguraho.

Nikyo kimwe, Oruteerane rwa Boona nirwija kwigurwaho ceyamaani. Naija kwakiira boona abaija, kandi abashabe kweshongorera hamwe ekyeshongoro ky’okwiguraho eki omugambi atooraine. Ceyamaani, (nari ow’eishe-emwe omanyisiibwe bukiri kare) naija kwiguraho oruteerane n’okushaba. Naija kwanjura omugambi hamwe n’omutwe gw’orubazo. Ahanyima y’orubazo, ceyamaani atarikugarukamu ebi omugambi yaaheza kugamba, omu bigufu naija kumusiima ahabw’okubeegyesa. Naija kumanyisa abamuhurikiize omutwe gw’orubazo orw’esaabiiti eraakurateho, reero bwanyima ashabe boona okugumaho kuhanuura aha biri omuri Watchtower. Ceyamaani tarikwetenga kubuuza abariho yaaba nibenda kwoherereza ab’omu kibiina eki omugambi yaarugamu endamutsyo. Ahanyima, ceyamaani naija kweta oraayebembere Okuhanuura aha by’omuri Watchtower kwija aha puratifoomu.

Orikwebembera Okuhanuura aha by’omuri Watchtower naija kwanjura ekyeshongoro ekiraigureho okuhanuura okwo. Naija kwebembera okuhanuura arikukoresa ebibuuzo ebyorekirwe, reero bwanyima ayanjure ekyeshongoro ekirikuhendera oruteerane. Orikwebembera okuhanuura aha by’omuri Watchtower naija kweta ow’eishe-emwe owaaha orubazo kuhendera n’okushaba.

Okugyendera aha buhabuzi obu nikiija kuhwera omu kureeba ngu enteerane z’ekibiina zaagyenda omu muringo gumwe hoona.