Puroguramu y’Oruteerane Oruhango orw’Ekiro Kimwe Orwa 2008

Oruteerane oruhango orw’ekiro kimwe orw’omwaka gw’obuheereza ogwa 2008 rwine omutwe ogurikugira ngu “Itwe Turi Eibumba​—Yehova Niwe Mubumbi Waitu,” ogwihirwe omuri Isaaya 64:8. Ebi turaayege kuruga omu Byahandiikirwe omu ruteerane oru nibiija kutuhwera kwongyera kwetegyereza gye obwengye bwa Yehova, oburinganiza bwe, amaani ge, na rukundo ye nk’Omubumbi Omukuru.

Orubazo rw’omureeberezi orikutaayaayira ebibiina orwine omutwe, “Okuheereza nk’Enyabya z’Ekitiinisa omu Kubuurira,” nirwija kworeka oku abantu baingi bariyo nibatunga omugisha gw’okumanya amazima n’oku barikugabuurira abandi. Orubazo orwine omutwe “Okucumitiriza Nikwija Kukurinda” nirwija kworeka oku okucumitiriza aha mitindo ya Yehova ehikire kurikuturinda. Omugambi orikuruga aha ofiisi naija kuha orubazo orwine omutwe “Mutashushanisibwa n’ab’Obusingye Obu” na “Mubumbwe Omubumbi Omukuru.” Abazaire n’abato nibaija kugarurwamu amaani orubazo orwine omutwe “Eminyeeto ey’Omugasho Ahari Yehova” na “Omurimo Mukuru gw’Abazaire omu Kubumba.” Kurabira omu by’okureeberaho n’omu kubuuzibwa, nitwija kushemererwa kuhuurira n’okureeba ebi ab’eishe-emwe bataahi baitu barikukora omu kubuurira. Abarikwenda kworeka okwehayo kwabo ahari Ruhanga barikubatizibwa omu maizi, ahonaaho bashemereire kumanyisa orikwebembera akakiiko k’abareeberezi. Reeba ngu waijana Watchtower erikuza kushomwa saabiiti egyo eraabemu oruteerane oruhango orw’ekiro kimwe.

Eki Omubumbi Omukuru arikucwamu kukora kyona naakihikiiriza. Kwonka kiri ahari buri omwe omuriitwe okucwamu yaaba araikirize kubumbwa. Abo abarikworobera emitindo ya Yehova n’okuhana kwe, nk’eibumba omu ngaro z’omubumbi nibabaasa kubonezibwa kandi bahindurwe enyabya z’omugasho. Twakwatanisa na Yehova, nitworeka obukuru bwe kandi tutunga emigisha mingi.