Eby’Okweijutsya Ebikwatiraine n’Ekiijutsyo

Abareeberezi bashemereire kuta omutima aha nshonga ezi ahaifo omu kwetebeekanisiza Ekiijutsyo.

◼ Muteereho kureeba ngu omugaati na viinyo tibaabirabyamu izooba ritakarengire.

◼ Omugaati na viinyo ebihikire bishemereire kutungwa kandi bikatebeekanisibwa kare.​—Reeba Watchtower eya Febwari 15, 2003, orupapura 14-15.

◼ Amasohaani, ebikopo nari amagiraasi ga viinyo, n’emeeza eringaniire otaireho n’ekitambaara ky’emeeza bishemereire kureetwa omu mwanya gw’Ekiijutsyo kandi bikatebeekanisibwa kare.

◼ Ekyombeko ky’Obukama nari ogundi mwanya oguraateeranirwemu gushemereire kubonezibwa gye bukiri kare.

◼ Ab’okwakiira abantu hamwe n’ab’okurabyamu omugaati na viinyo bashemereire kutooranwa kandi bakagambirwa ebi baine kukora bukiri kare, oku ebintu biraagyende, n’oku baine kujwara n’okureebeka.

◼ Abareeberezi bashemereire kukora entebeekanisa kureeba ngu omugaati na viinyo byatwarirwa owaashukirweho amajuta weena otarikubaasa kuhika aha mukoro ogu ahabwa bukuru, oburwaire nari obumuga.

◼ Ebibiina ebirikurenga ahari kimwe ku biraabe nibiza kukoresa Ekyombeko ky’Obukama kimwe, bishemereire kukwatanisa gye kugira ngu abantu tibaijura omu muhanda, nari ahu barikwemereza ebiiruka.

◼ Ogundi mwanya ku guraabe niguza kukoresibwa, muhamye ngu hariyo ebyoma birungi ebirikutunguura amaraka kugira ngu buri omwe abaase kuhuurira omugambi.