Oruteerane rw’Ekyanga orw’Okutuhwera Kuguma Twerinzire omu by’Omwoyo
1. Ni kintu ki ekimwe eki Yehova arikutuha kutuhwera kukora omurimo ogw’okubuzya amakuru marungi?
1 Yehova naatutendeka kandi atuha amaani agu turikwetenga okukora omurimo gw’okubuzya amakuru marungi. (Mat. 24:14; 2 Tim. 4:17) Oruteerane rwaitu orw’ekyanga orwa buri mwaka ni rumwe aha bi arikututendekyeramu kandi akatugaruramu amaani. Oruteerane orwo orw’omwaka gw’obuheereza ogwa 2010 nirwija kuba rwine omutwe “Guma Oyerinde omu by’Omwonyo,” kuruga omu Abarooma 8:5 na Yuda 17-19. Enteerane ezi niziija kutandika saabiiti erikutandika Agusto 31, 2009.
2. (a) Ni mu miringo ki ei oruteerane rw’ekyanga ruraatuhweremu? (b) Enteerane z’ekyanga ez’enyima zikuhwereire zita omu kubuurira?
2 Oku Ruraatuhwere: Oruteerane orwo nirwija kutuhwera kwetantara ebintu bibi, nk’ebirikutuhuzya bikatumarira obwire kandi bikaturemesa kukora ebintu ebikuru buzima. Nitwija kwega oku turikubaasa kwerinda omuze gw’okushwekyerera ebibi, hamwe n’eki okuba omuntu w’eby’omwoyo kirikumanyisa. Aha Sande orubazo orucwirwemu ebicweka eby’okuheebwa abagambi bingi, nirwija kutuhwera kureeba oku itwe nk’abantu nari nk’amaka turikubaasa kwongyera kuhama omu by’omwoyo omu bwire obu oburimu bingi ebirikugyeza okwikiriza kwaitu. Oruteerane oru nirwija kutuhwera okurinda emitima yaitu, okuguma tuhamire omu by’omwoyo n’okuguma nitwijuka gye emigisha mingi ei abo abarikuguma beerinzire omu by’omwoyo baritunga.
3. Ni ryari obu oruteerane rw’ekyanga rwanyu ruraabeho, kandi omaririire kukora ki?
3 Ku oraaheze kumanya obu oruteerane oru ruraabeho n’ahu ruraabe, kora entebeekanisa kubayo kandi okahurikiza gye embazo zoona eziraheebwe omu biro byombi. Manya ngu Yehova naaha emigisha abo abaine obweziriki.—Enf. 21:5.
4. Twine amatsiko kutunga ki omu ruteerane rwaitu rw’ekyanga oruraabeho?
4 Buzima, Yehova niwe arikutuha ekiconco kirungi eki. Entebeekanisa etairweho omwambari omwesigwa neija kutuha ebi turikwetenga kugyenda omumaisho nk’Abakristaayo ababuurizi. Nitusiima Yehova ahabwa byona ebi atuhaire kutuhwera “kuhamya amatsiko gaitu tutarikunyiganyiga.”—Heb. 10:23-25; Yak. 1:17.