Akabokisi K’ebibuuzo

◼ Okaakora ki ku waakugambirwa kurekyeraho kubuurira?

Obumwe, abaporiisi nibahika ababuurizi abarikuba nibabuurira, babagira ngu bariyo nibahenda ebiragiro, kandi babaragiira kurekyeraho kubuurira. Bakuragiira kurekyeraho kubuurira, omu bucureezi oshemereire kuruga omu mwanya ogwo ahonaaho. (Mat. 5:41; Fil. 4:5) Otakaateeraho kushoboorora enshonga ezo ahabwawe orikuteeraho kubagambira ku turikwikirizibwa kubuurira. Kyaba nikibaasika, teeraho kumanya enamba y’omuporiisi ogwo n’aha poriisi ahu arikukorera. Waaheza oti kumanya ebyo, manyisa abareeberezi, nabo abaraije kumanyisa ab’aha ofiisi y’eitaagi ebyabaho. Nikyo kimwe, mwashabwa omurinzi orikureeberera ekyombeko eki mwaba nimubuuriramu, ahonaaho mushemereire kukirugamu reero mukamanyisa abareeberezi. N’obucureezi twatwariza gye abaine obushoboorozi nikihwera okwetantara oburemeezi obumwe.​—Enf. 15:1; Rom. 12:18.