Ahabw’Enki Tushemereire Kugyenda Ahonaaho?

Ku turikuba turi omu ruteerane rw’okwetebeekanisiza okubuurira, nituba turi n’ab’eishe-emwe bagyenzi baitu kandi ni kirungi kwenda ngu tugaaniire. Kwonka, oruteerane rw’okwetebeekanisiza okubuurira rwaheza kuhwa, tushemereire kuteeraho kuza omu kicweka eki turikuza kubuuriramu ahonaaho. Omurimo gwaitu gw’okubuurira ni mukuru. (2 Tim. 4:2) Twayeziringa, nitwija kuba twine obwire bukye bw’okubuurira. Nitwija kutunga obwire burikumara kugaaniira n’ababuurizi bagyenzi baitu ebirikwombeka twaba turi omu kubuurira. Okugyenda ahonaaho kuza kubuurira tutarikweziringa nikyoreka ngu turi abeeziriki omu kukorera Yehova n’omwana we.​—Rom. 12:11.