Ekyahandiikirwe Ekya Buri Izooba Tikiragarukye Kukoresibwa omu Nteerane z’Okwetebeekanisa Kuza Kubuurira

Enyima, ekyahandiikirwe ekya buri izooba obumwe kibaire nikikoresibwa omu nteerane z’okwetebeekanisa kuza kubuurira kyaba nikikwata aha kubuurira. Kwonka hati habaireho empinduka. Akatabo Examining the Scriptures Daily tikaraije kugaruka kukoresibwa omu nteerane z’okwetebeekanisa kuza kubuurira. Nk’oku kyabaire kiri, abarikwebembera enteerane ezo nibabaasa kukoresa Baibuli, Obuheereza Bwaitu obw’Obukama, ekitabo Ministry School, akatabo Reasoning, n’ebindi ebirikukwata aha kubuurira. Abo abaraabe batoorainwe kwebembera enteerane ezo bashemereire kutebeekanisa ebirikuhikaana n’ekicweka ekirikubuurirwamu ebirahwere abo abarikuza kubuurira eizooba eryo. Nk’oku kibaire kiri, enteerane ezo zishemereire kumara edakiika 10 nari 15 kandi zaabaho bwanyima y’enteerane z’ekibiina zishemereire kumara edakiika nkye ahari ezo.