Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Okitoba

“Omu biro ebi ebigumire, ab’omu maka nibahikwaho ebirikubareetera kwerarikirira. Nooteekateeka ngu ni nkahi ei turikubaasa kwiha obuhabuzi oburikwesigwa oburikubaasa kutuhwera kugira okushemererwa omu maka?” Tegyereza agarukyemu, reero omuhe Watchtower eya Okitoba 1, kandi muhikaanise ebiteekateeko hamwe aha biri ahansi ya gumwe aha mitwe eri aha rupapura 16 na 17 kandi mushome hamwe n’ekyahandiikirwe kimwe aha byorekirwe. Muhe zaamagaziini kandi okore entebeekanisa kugarukayo mukahikaanisa ebiteekateeko aha kibuuzo ekindi.

The Watchtower Okitoba 1

Mworekye ebiri aha mutwe gwa magaziini, reero ogire oti: “Okaahurira ota ku waakukimanya ngu ebi waayegyesiibwe ebirikukwata ahari Ruhanga n’ebishuba? [Tegyereza agarukyemu.] Yetegyereze eki Yesu yaagambire aha ku turikubaasa kutaanisa amazima aha bishuba. [Shoma Yohaana 17:17.] N’ahabw’ekyo Baibuli niyo yonka erikutugambira amazima agarikukwata ahari Ruhanga. Magaziini egi neegamba aha bishuba by’emiringo etaano ebirikukira kugambwa ahari Ruhanga ebi Baibuli erikworeka.”

Awake! Okitoba

“Eri eizooba nitugaaniira n’abantu aha birikukwata aha maka. Noogira ngu omu bunaku obu ni buremeezi ki obw’amaani obu abazaire barikutunga omu kworora abaana? [Tegyereza agarukyemu.] Abazaire baingi nibagyendera aha buhabuzi bwa Baibuli. Nk’eky’okureeberaho, ebigambo ebi eby’obwengye nibihwera omu kuhana abaana. [Shoma Abaefeso 4:31.] Magaziini egi neeyoreka oku obuhabuzi bwa Baibuli burikubaasa kuhwera abazaire kworora abaana kuruga omu bwerere kuraba n’omu mushogoyo.”