Enshonga Ikumi na Ibiri Ezirikutureetera Kubuurira

Ahabw’enki turikubuurira kandi tukeegyesa abantu Baibuli? Mbwenu shi okuhwera abantu kutunga amagara agatahwaho nikyo kikuru munonga? (Mat. 7:14) Egyo n’enshonga y’okubanza aha ziri ahaifo, kwonka tiyo nkuru munonga. Aha nshonga ikumi na ibiri eziri ahaifo, nooteekateeka ngu n’eha enkuru munonga?

1. Nitubuurira kuhwera abantu kutunga amagara agatahwaho.​—Yoh. 17:3.

2. Nitubuurira kurabura ababi.​—Ezk. 3:18, 19.

3. Okubuurira kwaitu nikuhikiiriza obunabi.z​—Mat. 24:14.

4. Nikworeka okuhikiirira kwa Ruhanga. Tihaine orikubaasa kugira ngu Yehova tahaire ababi omugisha gw’okweteisa atakabacwekyereize.​—Byak. 17:30, 31; 1 Tim. 2:3, 4.

5. Nitubuurira kuhikiiriza obujunaanizibwa bwaitu bw’okuhwera abantu omu by’omwoyo, abaaguzirwe eshagama ya Yesu.​—Rom. 1:14, 15.

6. Nikutwihaho orubanja rw’eshagama y’abantu.​—Byak. 20:26, 27.

7. Nitubuurira ahabw’okwenda kukiza amagara gaitu.​—Ezk. 3:19; Rom. 10:9, 10.

8. Nikworeka ngu nitukunda bataahi baitu.​—Mat. 22:39.

9. Nikworeka ngu nitworobera Yehova n’Omwana we.​—Mat. 28:19, 20.

10. Ni kimwe aha birikutwarirwa omu kuramya kwaitu.​—Heb. 13:15.

11. Nikworeka ngu nitukunda Ruhanga.​—1 Yoh. 5:3.

12. N’omuringo gumwe ogw’okweza eiziina rya Yehova.​—Isa. 43:10-12; Mat. 6:9.

Kwonka ezi tizo nshonga zonka ezirikutureetera kubuurira. Nk’eky’okureeberaho, okubuurira nikuhamya okwikiriza kwaitu kandi kutubaasisa n’okutunga omugisha gw’okukorera hamwe na Ruhanga. (1 Kor. 3:9) Kwonka, enshonga erikukirayo obukuru erikutureetera kubuurira n’eya 12. Yaaba abantu baikiriza nari banga twababuurira, okubuurira n’omuringo gumwe ogu turikwezamu eiziina rya Ruhanga reero akabaasa kugarukamu ogwo orikumujuma. (Enf. 27:11) Buzima, twine enshonga nungi kugumizamu nitubuurira amakuru marungi tutarikureka.​—Byak. 5:42.