Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Apuri

“Nituhiga abantu kushoma Baibuli. Kwonka baingi nibateekateeka ngu Baibuli egumire kwetegyereza. Naiwe nikwo orikuteekateeka? [Tegyereza agarukyemu.] Yetegyereze eki magaziini egi erikugamba.” Mworekye ebiri enyima ya Watchtower, eya Apuri 1, reero muhikaanise ebiteekateeko hamwe aha kibuuzo eky’okubanza, mushome n’ekyahandiikirwe kimwe aha byorekirwe. Muhe na Awake! kandi otebeekanise kugarukayo mugarukemu ekibuuzo ekindi. Yoreka oku buri magaziini erikubaasa kugabwa orikukoresa ezi muhereerukire kutunga n’enyanjura ezirikuhikaana nazo eziri omu Obuheereza Bwaitu obw’Obukama.

The Watchtower Apuri 1

“Buri muntu aine oburemeezi. Eki nikireetera abantu kwebuuza oku barikubaasa kutunga okushemererwa. Nooteekateeka ngu niki ekirikukira kuremesa abantu kutunga okushemererwa obunaku obu? [Tegyereza agarukyemu.] Baibuli neeyoreka ngu Ruhanga ari haihi kwihaho oburemeezi obu twine hati. [Shoma Okushuuruurwa 21:4.] Magaziini egi neeyoreka ebirungi ebirikuza kubaho omu biro by’omumaisho n’oku turikubaasa kutunga okushemererwa hati.”

Awake! Apuri

“Obushaarizi omu maka bubugire ensi yoona. Abamwe nibagira ngu ekirikureeta eki, n’oku omuntu arikuba yaakuziibwe n’okureeba vidiyo ezirimu eby’obushaarizi. Iwe nooteekateeka ngu niki ekirikureeta obushaarizi omu maka? [Tegyereza agarukyemu.] Baibuli neeyoreka omuringo murungi ogu omushaija n’omukazi we bashemereire kutwarizanamu. [Shoma Abaefeso 5:33.] Magaziini egi neeyoreka oku abashweraine baingi barinzire obushwere bwabo ahabw’okugyendera aha misingye ya Baibuli.”