Zimwe aha Nyanjura

Okutandika Kwegyesa Abantu Baibuli aha Rwamukaaga Orurikubanza Omuri Agusto

“Obumwe n’obumwe abantu abarikukira obwingi nibashaba. Naabatarikwikiriza ngu Ruhanga ariho nibashaba baaba baine oburemeezi. Nooteekateeka ngu Ruhanga naahurira okushaba kwa buri muntu?” Tegyereza agarukyemu. Mworekye ebiri enyima ya Watchtower eya Agusto 1, reero muhikaanise ebiteekateeko aha biri ahansi y’ekibuuzo ky’okubanza, mushome n’ekyahandiikirwe nka kimwe aha byorekirwe. Muhe na Awake! kandi otebeekanise kugarukayo mugarukyemu ekibuuzo ekindi.

Eby’okwetegyerezibwa: Enyanjura egi eshemereire kukoresibwa omu ky’okureeberaho omu ruteerane rw’okwetebeekanisa kuza kubuurira omuri Agusto 3.

Omunaara gw’Omurinzi Agusto 1

“Abantu baingi baine okwerarikirira ahabw’okujanjaara kw’ebishushani ebirikwitsa enshoni. Kwonka bamwe nibagira ngu ebishushani nk’ebyo nibibashemeza. Iwe nookiteekateekaho ki? [Tegyereza agarukyemu.] Yesu akagira ngu nitubaasa kumanya ekintu kyaba kiri kirungi turikureebera aha byana byakyo. [Shoma Matayo 7:17.] Magaziini egi neyoreka ebirikuruga omu kureeba ebishushani ebirikwitsa enshoni. Kandi neyoreka n’obuhabuzi oburikubaasa kutuhwera kwetantara ebishushani ebirikwitsa enshoni.”

Awake! Agusto

“Twena tukaabaire nitwenda kuhangaara. Nooteekateeka ngu okutunguuka omu bya sayansi nikwija kutureetera twagumaho ebiro byoona? [Tegyereza agarukyemu.] Yetegyereze eki Baibuli erikuraganisa [Shoma 1 Abakorinso 15:26.] Eki Ruhanga naija kukikora ata​—kurabira omu sayansi nari arikwejunisa ogundi muringo? Ahabw’enki nitukaikura tukafa? Magaziini egi neyoreka oku Baibuli erikugarukamu ebibuuzo ebi.”