“Ebigambo Ebi . . . Bishemereire Kukuguma aha Mutima”
Abazaire nibagyeragyeranisibwa n’abariisa. Baine kureeberera gye abaana baabo, ahabw’okuba nibabaasa kuhaba kandi bahikweho akabi. (Enf. 27:23) Abazaire nibabaasa kuhikiiriza bata obujunaanizibwa obu? Baine kugira obwire bw’okugaaniira n’abaana baabo buri izooba kubaasa kumanya ebiri omu mitima yaabo. (Enf. 20:5) Kandi, abazaire baine kwombekyesa ebitarikwokibwa muriro kuhwera abaana baabo kugira okwikiriza kuhami. (1 Kor. 3:10-15) Vidiyo “Ebigambo Ebi . . . Bishemereire Kukuguma aha Mutima” neetuhwera kumanya omugasho gw’okugira okuramya kw’eka obutoosha. Mugireebe hamwe nk’eka, reero muhikaanise ebiteekateeko aha bibuuzo ebi:
(1) Ahabw’enki eka ya Roman yaabaire etarikwebembeza by’omwoyo? (2) Ahabw’enki ow’eishe-emwe Roman yaaremirwe, obu yaateeraho kugira okuramya kw’eka omu kubanza? (3) Ni buhabuzi ki obwine kukuratirwa oburi omu Byahandiikirwe oburikuhwera omu kukuza gye abaana? (Bir. 6:6, 7) (4) Niki ekirikubaasa kuhwera abari omuka kwongyera kuhurizana gye? (5) Ni bintu ki ebi abaana barikwenda ngu abazaire baabo beefeerereze? (6) Ow’eishe-emwe na munyaanyaziitwe Barrow bakahwera bata eka ya Roman? (Enf. 27:17) (7) Nyineeka ashemereire kukora ki bukiri kare kutebeekanisiza gye okuramya kw’eka? (8) Ow’eishe-emwe Roman akakora ki kubaasa kureetaho empindahinduka omu ka ye? (9) Ahabw’enki kiri kikuru kugira okuramya kw’eka butoosha? (Efe. 6:4) (10) Hariho buhabuzi ki oburikukwata aha kutebeekanisa okuramya kw’eka? (11) Ow’eishe-emwe Roman akooreka ata obucureezi kandi arikuhamira aha kihikire obu yaabaire naahwera Marcus kumanya omugasho gw’okukora ekihikire? (Yer. 17:9) (12) Ow’eishe-emwe na munyaanyazi-itwe Roman bakagaaniira bata na Rebecca kubaasa kumuhwera kucwamu ekihikire aha bikwatiraine n’omukago gwe na Justin? (Mak. 12:30; 2 Tim. 2:22) (13) Ow’eishe-emwe na munyaanyazi-itwe Roman bakooreka bata ngu baine okwikiriza obu baabaire nibakora empindahinduka omu mituurire yaabo? (Mat. 6:33) (14) Ebiri omu vidiyo egi nibyoreka bita ngu baanyineeka baine kureeberera amaka gaabo omu by’omwoyo? (1 Tim. 5:8) (15) Iwe nka nyineeka omaririire kukora ki?
EBY’OKWETEGYEREZIBWA BAANYINEEKA: Omuzaano gwa vidiyo egi gukabaho aha ruteerane rw’ekyanga 2011. Obu omuzaano ogu gwabaho, okareeba ngu hariho ahu oine kukora empindahinduka omu kuramya kw’eka? Kandi shi hati? Haaba hariho empindahinduka ezi oine kukora, shaba Yehova kukuhwera kugira eki waakora kubaasa kuhwera eka yaawe kumwirira haihi.—Efe. 5:15-17.