Hwera Ab’omu Ka Yaawe Kwijuka Yehova

Yeremia akagambirwa kurabura Abayudaaya ngu nibaija kucwekyerezibwa ahakuba bakaba beebirwe Ruhanga waabo, Yehova. (Yer 13:25) Eihanga eryo rikaija kuba rita omu mbeera mbi omu by’omwoyo? Amaka g’Abaisraeli gakaba gahwiremu amaani omu by’omwoyo. Emitwe y’amaka bakaba batarikugyendera aha buhabuzi bwa Ruhanga oburi omu Eky’Ebiragiro 6:5-7.

Amaka agahami omu by’omwoyo nigahwera ebibiina kutunguuka n’okuhama omu by’omwoyo. Emitwe y’amaka nibabaasa kuhwera ab’omu maka gaabo kwijuka Yehova barikutaho entebeekanisa y’okuramya kw’eka eya butoosha. (Zab 22:27) Bwanyima y’okureeba vidiyo “These Words . . . Must Be on Your Heart”—Family Interviews, mugarukyemu ebibuuzo ebi:

• Amaka agamwe gabaasize kusingura gata ebirikubaasa kuremesa okuramya kw’eka?

• Okugira okuramya kwa butoosha nikurugamu birungi ki?

• Twaba twineho okuramya kw’eka, ni buremeezi ki obu ndikuba nyine, kandi nimbaasa kubumaraho nta?