Okutebeekanisa Ni Kikuru Kubaasa Kwegyesa Gye

Emirundi nk’ebiri, Yesu akabuuzibwa ekibuuzo kimwe ekirikukwata aha magara agatahwaho, Kwonka buri omwe akamugarukamu ebirikuhikaana n’ebyetengo bye. (Luk. 10:25-28; 18:18-20) N’ahabw’ekyo, n’obu twakuba nitumanya gye ebiri omu katabo ebi turikuza kwegyesa omwegi, twine kuteekateeka aha bi omwegi arikwetenga twaba nitutebeekanisa. Ni nshonga ki ezirikubaasa kugumira omwegi kwetegyereza nari kwikiriza? Ni byahandiikirwe ki aha byorekirwe ebi turaashome nawe? oshemereire kwega nawe birikwingana ki? Noobaasa kutebeekanisa eky’okureeberaho, oku oraashoboorore, nari ebibuuzo ebi oraakorese kuhwera omwegi kwetegyereza gye enshonga. Okwongyera ahari ebyo, obu Yehova niwe arikureetera embibo y’amazima kukura omu mutima gw’omuntu, twine kumushaba kutuhwera twaba nituza kutebeekanisa, kuha omugisha omwegi wa Baibuli, n’okuteeraho kwaitu omu kumuhwera kwega amazima.​​—1 Kor. 3:6; Yak. 1:5.