Twaba Tutaine Bintu Bingi Nikituhwera Kuhimbisa Ruhanga

Obunaku obu, kyorobi kugira ebintu bingi bikaturemesa kuheereza gye. Nikyetengyesa obwire n’amaani kuza kugura ebintu, kubishashurira emishoro, kubireeberera, n’okubirinda. Yesu akamarwa n’ebintu bikye ebi yaabaire aine ahabw’okutenda ngu eby’obutungi bimuremese kubuurira.​—Mat 8:20.

Noobaasa kwetantara ota okugira ebintu bingi kugira ngu oyongyere kwejumba omu buheereza? Mwakora empindahinduka, omwe aha bari omu ka yaanyu naabaasa kuba payoniya? N’obu hati waakuba ori omu buheereza obw’obutwire, mporampora oikiriize eby’obutungi kukureetera kugumirwa kuheereza? Okumarwa n’ebi oine omu kuheereza Yehova nikireeta okushemererwa, n’okumarwa.​—1Tim 6:7-9.

Oku Ndikubaasa Kweihaho Ebitarikwetengyesa.