Oku Orikubaasa Kugarukamu Gye

Eby’okugarukamu birungi nibyombeka ekibiina. (Rom 14:19) Kandi nibigasira n’abo abarikuba baagarukamu. (Enf 15:23, 28) N’ahabw’ekyo, twine kuteeraho kugarukamu omurundi nka gumwe buri ruteerane. N’amazima, ngu titurikwija kutooranwa burikwimutsya omukono. N’ahabw’ekyo, n’eky’obwengye kutebeekanisa eby’okugarukamu bingi

Eky’okugarukamu ekirungi . . .

• nikiba kyorobi, kirikwetegyerezibwa, kandi kigufu. Emirundi emingi, nikibaasa kuheebwa omu butikitiki 30 nari n’obutahika

• ni kirungi kugarukamu omu bigambo ebyawe

• ti kugarukamu ebi abandi baaba baagambire

Waaba niiwe waabanza kutooranwa kugarukamu, . . .

• garukamu ekyorobi, ekirikugarukamu ekibuuzo

Ekibuuzo kyaba kyagarukwamu ondiijo . . .

• yoreka oku ekyahandiikirwe ekyorekirwe kirikuhikaana n’enshonga erikugambwaho

• gamba oku enshonga egyo erikutukwataho

• shoboorora oku enshonga erikubaasa kukoresibwa

• ha eky’okureeberaho kigufu kushoboorora enshonga nkuru