“Ndi Aha; Ba Niinye Waatuma!”

Omutwarize murungi gwa Isaaya ogw’okukora ayekundiire ka ni murungi gw’okutoreeza. Akooreka okwikiriza kandi yaikiriza obujunaanizibwa ahonaaho, n’obu araabe yaabaire atarikumanya gye ekirikutwarirwamu. (Isa 6:8) Noobaasa kukora empindahinduka omu mbeera zaawe kugira ngu obaase kuheereza ahu ababuurizi b’Obukama barikwetengwa? (Zab 110:3) Buzima, nikyetengyesa ‘okubariirira eby’omurimo ogwo’. (Luk 14:27, 28) Kwonka, ba oyeteekateekire kwefeerereza ahabw’omurimo gw’okubuurira. (Mat 8:20; Mak 10:28-30) Nk’oku kirikworekwa omu vidiyo Okuza Kuheereza Ahu Ababuurizi Barikwetengwa Munonga, emigisha ei turikutunga omu buheereza bwa Yehova neekirira kimwe ebintu byona.

BWANYIMA Y’OKUREEBA VIDIYO, SHERURA EBY’OKUGARUKAMU BY’EBIBUUZO EBI:

• Ab’eka ya William bakakora kwefeerereza ki kugira ngu babaase kuza kuheereza omuri Ecuador?

• Ni nshonga ki ezi baateekateekireho obu baabaire nibasherura ahu baraaze kuheereza?

• Ni migisha ki ei baatungire?

• Noobaasa kwiha nkahi ebirikukiraho aha bikwatiraine n’okuheereza ahu ababuurizi barikwetengwa munonga?

OMU KURAMYA KWANYU KW’EKA OKURAKURATEHO, MUHIKAANISE EBITEEKATEEKO AHA BIBUUZO EBI:

• Nitubaasa kwongyera tuta aha buheereza bwaitu nk’eka? (km 8/11 4-6)

• Ku turaabe tutarikubaasa kuheereza ahu ababuurizi barikwetengwa munonga, ni mu miringo ki ei turikubaasa kuhweramu ekibiina kyaitu? (w16-E.03 23-25)