Za ahu Ababuurizi Barikwetengwa Munonga

Oshemereire kuba oine okwikiriza kubaasa kuruga owaanyu okaza omu kicweka kisya kugira ngu obaase kwongyera aha buheereza bwawe. (Heb 11:8-10) Waaba oine ekigyendererwa ky’okuza ahu ababuurizi barikwetengwa munonga, gamba n’abareeberezi baawe. Niki ekirikubaasa kukuhwera kumanya yaaba noija kuhikiiriza ekigyendererwa eki n’okucwamu ekicweka? Reeba eki ebitabo byaitu birikugamba aha kuheereza ahu ababuurizi barikwetengwa munonga. Gamba n’abo ababaasize kuza kuhwera omu bibiina ebindi. (Enf 15:22) Shaba Yehova obuhabuzi. (Yak 1:5) Manya ebirikukwata aha kicweka eki orikwenda kuzamu, kandi kyaba nikibaasika, taayaaya omu kicweka ekyo ebiro bikye otakacwiremu kugyerayo kimwe.

MUREEBE VIDIYO N’OKWIKIRIZA TAAHA OMU RWIGI ORUKWIGURIIRWE—ZA AHU ABABUURIZI BARIKWETENGWA MUNONGA, REERO MUGARUKYEMU EKIBUUZO EKI:

• Ni mpinduka ki ezi Gabriel yaakozire, kandi niki ekyamuhweraire?