Oku Turikubaasa Kukakoresa​—Ni Baahi Abarikukora Ebi Yehova Akunda Obunaku Obu?

Akatabo Ni Baahi Abarikukora Ebi Yehova Akunda Obunaku Obu?, katebeekanisiibwe kukeegyesa omwegi mwaba nimuza kutandika kwega nari buri kuheza kwega.a Eishomo 1 kuhika aha 4 nigahwera omwegi kumanya gye abajurizi ba Yehova, eishomo rya 5 kuhika 14 nigahwera abeegi kumanya ebi turikukora, eishomo rya 15 kuhika 28 nigabahwera kumanya ebi ekibiina kiriyo nikikora. Ni kirungi kwega amashomo ago nk’oku garikukuratana okwihaho haaba hariho eishomo eririkukwata aha ki omwegi aine kumanya ahonaaho. Buri ishomo riri aha rupapura rumwe kandi nitubaasa kuryegyesa omwegi omu dakiika itaano nari ikumi.

• 

  Ta omutima aha mutwe oguri omu muringo gw’ekibuuzo

• Eishomo murishome ryona, yaaba kwiha aha kutandika kuhika aha muheru nari omu bicweka

• Muhikaanise ebiteekateeko aha bi muraashome. Koresa n’ebibuuzo ebiri ahansi y’orupapura hamwe n’ebishushani. Mushome kandi muhikaanise ebiteekateeko aha byahandiikirwe ebyorekirwe okurugiirira aha ku oraacwemu. Yoreka ngu emitwe emikye eri omu nyuguta zikwatsire neegarukamu ekibuuzo eky’omutwe gw’eishomo eryo

• Haaba hariho akabokisi “Manya Ebirikukiraho,” mukashome kandi ohigye omwegi kugyendera aha buhabuzi oburimu