N’obu Okuhingurwaho kuraabe kwabaire kutarikujwekyera Ekiijutsyo, nitubaasa kwega bingi ebyabaireho aha mukoro gw’Okuhingurwaho. Nk’eky’okureeberaho, entumwa Paulo akeeta Yesu “omwana gw’entaama ogw’Okuhingurwaho kwaitu.” (1Kor 5:7) Nk’oku eshagama y’entaama eyaabaire eba esiigirwe aha biti by’emiryango y’enju yaabaire ecungura amagara, n’eshagama ya Yesu neecungura amagara. (Kur 12:12, 13) Kandi, ku baabaire babaaga omwana gw’entaama ogw’Okuhingurwaho, bakaba batahenda eigufa ryagwo na rimwe. Nikyo kimwe, tihariho eigufa rya Yesu na rimwe eryahenzirwe, n’obu ogu guraabe gwabaire guri omugyenzo gwabo gw’okuhenda amagufa.—Kur 12:46; Yoh 19:31-33, 36.