EBY’OMUHENDO EBIRI OMU KIGAMBO KYA RUHANGA | OKURUGA 10-11

Musa na Arooni Okworeka Obumanzi

10:3-6, 24-26, 28; 11:4-8

Musa na Arooni bakooreka obumanzi bw’amaani obu baabaire nibagamba na Faraho, owaabaire naakirayo obushoboorozi omu nsi yoona omu bwire obwo. Niki ekyababaasiise kukora ekyo? Baibuli neegamba ahari Musa eti: “Ahabw’okwikiriza akaruga Misri atatiinire kiniga ky’omugabe; ahakuba akagumisiriza, amaisho agataire ahari Ogwo otareebwa.” (Heb 11:27) Musa na Arooni bakaba nibaikiririza kimwe omuri Yehova kandi barikumwesiga.

Ni mbeera ki ezirikukwetengyesa kugira obumanzi kugambira abaine obushoboorozi aha bi orikwikiriza?

Ebishushani: Embeera ezirikubaasa kutwetengyesa kugira obumanzi. 1. Omwojo ari aha ishomero ayemereire ahunami, bagyenzi be barikuteerera ebendera entamamu. 2. Ow’eishe-emwe ayemereire omu maisho g’abaramuzi. 3. Ow’eishe-emwe muto ari omu kubuurira arikuha omuntu turakiti kandi omuporiisi ari haihi arikumureeba.