Guma Oyetebeekaniise omu Biro by’Emperu Eby’aha Muheru

Obu turi omu biro by’emperu eby’aha muheru, nitumanya ngu embeera neeza kweyongyera kuba mbi. (2Tim 3:1; nwtsty ebigambo by’okwegaho omu Mat 24:8) Abaheereza ba Yehova butoosha nibatunga obuhabuzi oburikubahwera ku barikuhikwaho ekihikiirizi. Kubaasa kuhonokaho haabaho ekihikiirizi, twine kwetebeekanisa hati omu by’omwoyo n’omu by’omubiri.​—Luk 16:10.

• Yetebeekanise omu by’omwoyo: Gira entebeekanisa nungi. Yega emiringo etari emwe ey’okubuurira. Otatiina waataanisibwa aha bandi omu kibiina kumara obwire bukye. (Isa 30:15) Tihaine ekirikubaasa kukutaanisa ahari Yehova na Yesu.​—od-E 176 kacw. 15-17

• Yetebeekanise omu by’omubiri: Buri ka eshemereire kuba eine enshaho erimu eby’okukoresa haabaho ekihikiirizi, kandi eshemereire kubiika n’eby’okurya ebiringaniire, amaizi, emibazi n’ebindi eby’okukoresa ku kyakubeetengyesa kuguma omu mwanya gumwe kumara obwire bwingi.​—Enf 22:3; g17.5-E 4, 6

MUREEBE VIDIYO OYETEBEEKANISIIZE EKIHIKIIRIZI? REERO MUGARUKYEMU EBIBUUZO EBI:

• 

  Nitubaasa kwetebeekanisa tuta omu by’omwoyo hatakabaireho ekihikiirizi?

• 

  Ahabw’enki twine . . .

  • kuguma nituhurizana n’abareeberezi?

  • kutebeekanisa enshaho erimu eby’okukoresa haabaho ekihikiirizi?

  • kuteekateeka aha bihikiirizi ebirikubaasa kubaho n’eki turikubaasa kukora omu buri mbeera?

• 

  Ni mu miringo ki eshatu oku turikubaasa kuhwera abandi baahikwaho ekihikiirizi?

YEBUUZE OTI: ‘Ni mashomo ki agarikukwata aha kwetebeekanisa agu ndikubaasa kwegyera aha bwire bw’endwara ya COVID-19?’