EBI ABAKRISTAAYO TWINE KUKORA
Oyetebeekanisiize Oburemeezi omu by’Entaatsya?
Tikirikututangaaza haabaho embeera ezirikureetaho oburemeezi omu by’entaatsya omu nsi yoona. Ahabw’enki? Ahabw’okugira ngu turi omu biro eby’emperu ebirikuhererukayo, Baibuli neeturabura kutata obwesigye bwaitu “aha butungi obutarikwesigwa.” (1Tim 6:17; 2Tim 3:1) Eky’okureeberaho ky’Omugabe Yehoshafaati nikitwegyesa ki aha bikwatiraine n’okwetebeekanisiza oburemeezi omu by’entaatsya?
Yehoshafaati ku yaatiinatiinisiibwe abazigu baabo, akeesiga Yehova. (2Bus 20:9-12) Kandi akatebeekanisa eihanga bukiri kare arikwombeka engo z’amabaare akataho n’abarinzi. (2Bus 17:1, 2, 12, 13) Nka Yehoshafaati, ni kirungi kwesiga Yehova kandi tukagira eki twakora kwetebeekanisiza embeera zigumire.
MUREEBE VIDIYO OYETEBEEKANISIIZE EKIHIKIIRIZI? REERO MUGARUKYEMU EBIBUUZO EBI:
Buri omwe ahariitwe naabaasa kukora ki kwetebeekanisiza ekihikiirizi?
Nitubaasa kutebeekanisa tuta kuhwera abandi?