EBI ABAKRISTAAYO TWINE KUKORA

**Koresa Akatabo Yesiimire Amagara Ebiro Byona! omu Kubuurira**

Ka tushemereirwe munonga kutunga ebitabo bibiri ebisya eby’okwegyesezamu abantu Baibuli! Nitushaba ngu Yehova atuhe omugisha twaba nituteeraho kwongyera kuhindura abantu abeegi. (Mat 28:18-20; 1Kor 3:6-9) Ebitabo ebi ebisya nitubaasa kubikoresa tuta?

Obu ekitabo Yesiimire Amagara Ebiro Byona!, kirikworeka omuringo musya gw’okwegyesa, kuratira obuhabuzi obu waaba nootebeekanisa kwegyesa omwegi na waaba noomwegyesa.a

Mushome ebirimu, kandi muhikaanise ebiteekateeko aha bibuuzo
Mushome ebyahandiikirwe ebiriho “shoma,” reero ohwere omwegi kwetegyereza oku arikubaasa kubigyenderaho
Mureebe vidiyo kandi muzihikaaniiseho ebiteekateeko murikukoresa ebibuuzo ebirikukwata ahari vidiyo ebibahairwe
Teeraho kuheza eishomo buri kwega

Omu kubuurira, banza ohe omuntu akatabo akakye kumanya yaaba naayenda kwega. (Reeba akabokusi “Oku Orikubaasa Kuha Omuntu Akatabo Yesiimire Amagara Ebiro Byona! Orikumubuurira ogw’Okubanza.”) Mwaheza kwega akatabo aka, akooreka ngu naayenda kugumizamu arikwega, muhe ekitabo ekihango, otandikye kumwegyesa omu eishomo 04. Haaba hariho ou obaire nooyegyesa omu kitabo Eki Turikwega nari Okuguma Omuri Rukundo ya Ruhanga, mutware omu kitabo Yesiimire Amagara Ebiro Byona!, ocwemu ahu muraatandikire.

Omushaija niwe omwe n’omukazi we barikwegyesa omushaija ogwo Baibuli barikukoresa akatabo “Yesiimire Amagara Ebiro Byona!”.

MUREEBE VIDIYO NOOYAKIIRWA KWEGA BAIBULI, REERO MUGARUKYEMU EBIBUUZO EBI:

Abeegi ba Baibuli nibaza kwega ki omu kitabo eki ekisya?
Ahabw’enki oine kworeka abeegi ba Baibuli abasya vidiyo egi?
Ni bigyendererwa ki ebi oine kuhiga omwegi kutaho kandi akateeraho kubihikiiriza?—Reeba chati “Enshonga Enkuru n’Ekigyendererwa kya Buri Kicweka.”

a YETEGYEREZE: N’obu oraabe naiwe oine kucwamu kukoresa ekicweka “Yongyera Kumanya” waaba nooyegyesa omwegi, teeraho kushoma nari kureeba ebiri omu kicweka ekyo waaba nootebeekanisa. Nikiza kukuhwera kumanya ekirikubaasa kushemeza omwegi kandi kikamuhwera. Ekitabo eky’aha mukura kirimu linki ezirikukutwara aha vidiyo n’ebindi.

ENSHONGA ENKURU N’EBIGYENDERERWA BYA BURI KICWEKA
	AMASHOMO	ENSHONGA ENKURU	EBIGYENDERERWA BY’OMWEGI
1	01-12	Yetegyereze oku Baibuli erikubaasa kukuhwera n’oku orikubaasa kumanya Owaagihandiikiise	Reeba ebi Ruhanga atwire naatukorera n’omuringo gw’okuramya ogurikumushemeza
2	13-33	Yetegyereze eki Yehova arikwenda ngu abarikumuramya bakore	Yega oku orikubaasa kuguma omuri rukundo ya Ruhanga
3	34-47	Higa omwegi wa Baibuli kushoma Baibuli, kutebeekanisiza okwega, n’okuza omu nteerane	Higa omwegi wa Baibuli kugambira abandi amazima agu arikwega n’okuba omubuurizi
4	48-60	Higa omwegi wa Baibuli kwehayo ahari Yehova kandi akabatizibwa	Yegyesa omwegi wa Baibuli oku arikubaasa kumanya kutaanisa ekibi n’ekirungi n’oku arikubaasa kwirira haihi na Ruhanga