Hwera Abu Orikwegyesa Baibuli Kwetantara Abanywani Babi

Abeegi ba Baibuli kubaasa kuba banywani ba Yehova, baine kusherura abanywani barungi. (Zab 15:1, 4) Abanywani barungi nibaija kubahiga kukora ebihikire.—Enf 13:20; lff eishomo 48.

Waaba nooteeraho kuhwera abu orikwegyesa Baibuli kwetantara abanywani babi, teeraho kubagirira esaasi. Nikibaasa kubagumira kureekyeraho kumara obwire na banywani baabo ab’omu nsi. N’ahabw’ekyo guma nooyoreka ngu noobafaho na bwaba butari bwire bw’okubeegyesa. Noobaasa kubooherereza obutumwa, kubateerera esimu nari obataayaayire. Abeegi baaguma nibatunguuka, noobaasa kubeeta kuba n’ab’eishe-emwe na banyaanyazi-itwe abandi baaba bari omu by’okweshemeza. Obwo nibaija kumanya ngu bariyo nibatunga ebirikukira aha bi barikwefeerereza. (Mak 10:29, 30) Naiwe noija kwongyera kushemererwa waareeba eka ya Yehova erikwongyera kuba mpango.

MUREEBE VIDIYO HWERA ABU ORIKWEGYESA BAIBULI KWETANTARA ABANYWANI BABI, REERO MUGARUKYEMU EBIBUUZO EBI:

• Abanywani babi ni baahi?—1Kor 15:33

• Jade akateekateeka ki ku baamwetsire kuba hamwe n’Abakristaayo omu bwire bw’okweshemeza?

• Neeta akahwera ata Jade kugira abanywani barungi omu mwanya gw’okuguma n’abanywani babi?