Yetebeekanisize Obujanjabi obw’Ahonaaho

Ahabw’enki oine kwetebeekanisa? Nikibaasa kukwetengyesa kuragurirwa nari kuheebwa ekitanda omu irwariro ahonaaho. N’ahabw’ekyo, kora kyona ekirikubaasika kwetebeekanisa, ekiraakuhwere kwija kutunga obujanjabi burungi hagira ekyabaho. Waakora ekyo, nooyoreka ngu n’oha amagara ekitiinisa n’ebiragiro bya Yehova ebirikukwata aha shagama.—Byak 15:28, 29.

Noobaasa kukora ki kwetebeekanisa?

• Shaba kandi n’obwegyendesereza oijuze kaada ya durable power of attorney (DPA).a Ababuurizi boona ababatiziibwe nibabaasa kushaba omuheereza orikukora aha bitabo kubaha kaada egi na Identity Card (ic) ey’abaana baabo

• Waaba oine enda, shaba abareeberezi baawe kukuha kopi ya Information for Expectant Mothers (S-401). Ebirimu nibiza kukuhwera kucwamu gye aha bikwatiraine n’enshonga z’okuragurirwa ezirikubaasa kubaho omu bwire obu oine enda nari waaba orikuzaara

• Okuragurirwa kwawe kwaba nikubaasa kutwariramu enshonga y’eshagama nari okuguma omu irwariro, gambira abareeberezi baawe bukiri kare kandi omanyise abashaho ngu omwe aha Bajurizi ba Yehova naija kukutayaayira

Abareeberezi nibabaasa kuhwera bata? Nibabaasa kukuhwera kwijuza kaada ya DPA. Kwonka, abareeberezi tibarakucweremu obujanjabi obu oraikirize nari kugamba eki barikuteekateeka omu nshonga ezi buri omwe aine kwecweramu. (Rom 14:12; Gal 6:5) Waaheza kumanyisa abareeberezi baawe ngu embeera yaawe neebaasa kutwariramu enshonga y’eshagama, ahonaaho nibaija kumanyisa abari aha kakiiko k’eby’obujanjabi (HLC).

Abari aha kakiiko k’eby’obujanjabi nibabaasa kuhwera bata? Ab’eishe-emwe abari aha kakiiko k’eby’obujanjabi batendekirwe kuhwera abarikukora omu by’obujanjabi n’abandi kwetegyereza enyikiriza yaitu aha bikwatiraine n’eshagama. Nibabaasa kugaaniira n’omushaho waawe aha miringo y’obujanjabi etarikwetengyesa kuteebwamu shagama. Kyaba nikwetengyesa, nibabaasa kukuhwera kutunga omushaho orikuha okucwamu kwawe ekitiinisa.

MUREEBE VIDIYO OKUCWAMU AHA BIKWATIRAINE N’ESHAGAMA OMU KURAGURIRWA, REERO MUGARUKYEMU EBIBUUZO EBI:

• Waayega ki omu vidiyo egi ekirikubaasa kukuhwera kwetebeekanisiza obujanjabi bw’ahonaaho aha bikwatiraine n’eshagama?

  Eky‘okugarukamu kyawe