Akakoryo k’Okweyegyesa

Noogasirwa omu nshoboorora y’ebyahandiikirwe eri omu Katabo k’Okucondooza ak’Abajurizi ba Yehova?

Ebiri omu katabo ako nibibaasa kukuhwera kwongyera kwetegyereza Ekigambo kya Ruhanga. Nibibaasa kutwariramu ebyabaireho obu omushororongo ogwo gwahandiikwa, ahabw’enki gwahandiikirwe, gukaba nigukwata ahari baahi, nari amakuru g’ebigambo ebimwe.

RAIBURARE Y’AHA INTANEETI EYA Watchtower na JW Library^® nizitubaasisa kutunga ebijuriziibwe omu Katabo k’Okucondooza ebirikukwata aha mushororongo gw’omu Baibuli. Ebyo noobaasa kubitunga omu kicweka ky’ebijuriziibwe omu Baibuli yoona eriho.

Waaba nookoresa ebijuriziibwe ebyo, fayo kureeba ebiro by’okwezi. Ebicweka ebisya nibyo birikubanza. Reero hakakurataho ebicweka ebikuru, obumwe ebirikuba birimu enyetegyereza ehindwirwemu.

• Ebijuriziibwe omu Katabo k’Okucondooza nibiba biri omu RAIBURARE Y’AHA INTANEETI EYA Watchtower.

• Kubaasa kuta ebijuriziibwe omu JW Library, iha aha mukura Akatabo k’Okucondooza reero ogume nookagarura busya. Eki noobaasa kukikora orikwimata aha mutwe gw’ekicweka ky’ebijuriziibwe ky’eshuura y’omu Baibuli.