Koresa gye Endeeberwamu

Entumwa Yakobo akagyeragyeranisa Baibuli n’endeeberwamu erikutuhwera kureeba eki turi omunda. (Yak. 1:​22-25) Nitubaasa kukoresa gye Baibuli tuta nk’endeeberwamu?

Gishome n’obwegyendesereza. Twayereebera omu ndeeberwamu niturahukiiriza, nitubaasa kuremwa kureeba ahu twine kutereeza. Kubaasa kureeba eki twine kuhinduramu, nikiba kiri kirungi kushoma Ekigambo kya Ruhanga n’obwegyendesereza.

Yereebe kukira oku orikureeba abandi. Endeeberwamu waagikwata kubi neebaasa kukworeka obumogo bw’omuntu ondiijo. Nikyo kimwe, nitubaasa kukoresa Baibuli, kwetegyereza obweremwa bw’abandi. Kwonka ekyo nikibaasa kutatuhwera kumanya ahu twine kukora empinduka.

Gira emiteekateekyere eringaniire. Twata omutima aha bumogo bwaitu obu turikureeba omu ndeeberwamu nitubaasa kwetamwa. Twine kugira emiteekateekyere eringaniire twaba nitushoma Ekigambo kya Ruhanga turikumanya ngu Yehova tarikutushaba kukora eki tutarikubaasa.—Yak. 3:17.