Oku Turikubaasa Kwongyera Kubuurira Gye​—Okukora Entebeekanisa Kugarukayo

Enshonga ahabw’Enki Kiri Kikuru: Ku turikutunga omuntu orikwenda kumanya ebirikukiraho, nituba nitwenda ngu tugarukyeyo obu arikuba ari omuka kugira ngu twitirire embibo y’amazima ei tubyaire. (1 Kor. 3:6) Eki nikimanyisa ngu tutakarugireyo aha murundi gw’okubanza, twine kutaho omusingi oguraatubaasise kugarukayo turikumubuuza obu turaagarukye. Kandi ni kirungi kumubuuza ekibuuzo eki turaagarukyemu twagarukayo. Eki nikiija kuhwera ou turikubuurira kwenda ngu tugarukye tumutaayaayire, kandi ekibuuzo ekyo kyaba nikigarukwamu omu kitabo eki twamutsigira, naabaasa kukishoma. Twataho omusingi nikitworobera kugarukayo, ahabw’okugira ngu nituba nitumanya eki turaagaaniireho kandi n’ou twabuurira nawe naaba naakimanya. Twamureeba ogundi murundi, nitumugira ngu twija kugarukamu ekibuuzo ekitwamutsigiire reero nitutandikira aho.