Ekicweka 1

Ruhanga Nitumuhurikiza Tuta?

Ruhanga ow’amazima akahwera abashaija kuhandiika ebiteekateeko bye omu kitabo kimwe ekirikwera. Ekitabo ekyo ni Baibuli. Kirimu obutumwa bukuru obu Ruhanga arikwenda ngu omanye.

Ruhanga naamanya ekirikukirayo oburungi ahariitwe kandi niwe burugo bw’obwengye bwona. Waamuhurikiza, buzima nooba omunyabwengye.​—Enfumu 1:5.

Ruhanga naayenda ngu buri omwe omu nsi ashome Baibuli. Hati eriho omu ndimi nyingi.

Ku oraabe nooyenda kuhurikiza Ruhanga, oine kushoma Baibuli kandi okagyetegyereza.

Twaba nitushoma Baibuli, Ruhanga naaba ari nk’orikugamba naitwe. 2 Timoseo 3:16

Abajurizi ba Yehova nibabaasa kukuhwera kwetegyereza Baibuli.

Omu nsi yoona nibeegyesa amazima agarikukwata ahari Ruhanga.

Tikirikukwetengyesa kugira eki waabashashura kubaasa kukwegyesa. Noobaasa n’okwega ebirikukwata ahari Ruhanga omu Kyombeko ky’Obukama ekiri omu kicweka kyanyu.

Omu bicweka by’ensi yoona abantu nibeega ebirikukwata ahari Ruhanga. Matayo 28:19

Ekigambo kya Ruhanga nigo mazima.​—Yohaana 17:17.

Ahabw’enki turikubaasa kwesiga Ruhanga?​—Okubara 23:19.