Eiguru Risya n’Ensi Nsya Nibiija Kureeta Okushemererwa Kwingi

Ekiraganiso kya Ruhanga eky’okugarura busya ekiri omu Isaaya eshuura 65 n’ekya buzima ahakuba Yehova naakigambaho nk’ekyaherize kuhikiirira.

Yehova naahanga eiguru risya n’ensi ensya, ahu ebya ira biriba bitakiijukwa

65:17

Eiguru risya nikyo ki?

• Ni gavumenti nsya eraije kureetaho ensi ensya erimu okuhikiirira

• Ekatandika omu 1914 obu Kristo yaayemekwa nk’Omugabe w’Obukama bwa Ruhanga

Ensi ensya nikyo ki?

• N’ekibiina ky’abantu abarikuruga omu mahanga goona, endimi zoona, n’enganda zoona abarikworobera obutegyeki bwa gavumenti ensya ey’omu iguru

Ni mu muringo ki ogu ebya ira biriba bitakiijukwa?

• Ebirikuretera abantu kugira obusaasi​—okubonabona omu mubiri, ebiteekateeko, n’omu nyehurira—​nibiija kuba bitakiriho

• Abantu abeesigwa nibiija kushemererwa munonga kandi nibiija kwesiima ahabw’okugira ebiteekateeko birungi buri izooba