Eby’okureeberaho Ebirikwegyesa

Matayo 13:34, 35

EKY’OKUKORA: Yongyera kuba omwegyesa murungi orikukoresa eby’okureeberaho ebyorobi, ebirikushemeza, kandi ebirikwegyesa enshonga nkuru.

OKU ORIKUBAASA KUKIKORA:

• Koresa eby’okureeberaho ebyorobi. Nka Yesu, koresa obuntu bukye kushoboorora enshonga mpango, n’ebintu ebyorobi kushoboorora enshonga ezigumire. Omu ky’okureeberaho otakoresa ebigambo bingi ebitarikwetengyesa bikakigumisa. Hamya ngu ebiri omu ky’okureeberaho kyawe buzima nibihikaana n’ebi orikwegyesa kugira ngu abakuhurikiize batahugibwa ebitaine kakwate n’eky’okureeberaho.

• Guma nooteekateeka aha bakuhurikiize. Koresa eby’okureeberaho ebirikukwata aha bintu ebirikushemeza abakuhurikiize. Yegyendesereze kutakoresa eby’okureeberaho ebiraagwise kubi abakuhurikiize nari ebiraabateeze entsibo.

• Ta omutima aha nshonga enkuru. Gamba enshonga nkuru ez’eky’okureeberaho, beitu butari obushonshorekye bukye. Hamya ngu abakuhurikiize baaguma nibaijuka enshonga enkuru beitu bitari eby’okureeberaho byonka.