Zimwe aha Nyanjura

Amakuru g’Obukama Na. 38

“Nitwejumba omu kampeyini y’okugaba turakiti erimu obutumwa bukuru eriyo neebaho omu nsi yoona. Egi neeyaawe.”

Eby’okwetegyerezibwa: Kubaasa kuheza ekicweka eki turikubuuriramu, ni kirungi kukoresa enyanjura ngufu. Kwonka, obumwe ou turikubuurira naabaasa kworeka ngu naayenda kumanya ebirikukiraho. Ku kiraabe nikwo kiri, noobaasa kumubuuza ekibuuzo ekiri ahari turakiti, omushomere ekyahandiikirwe ekiriho “Eki Baibuli Erikwegyesa” nk’oku kirikworekwa omu turakiti, reero obwire bwa kubaasisa muhikaanise ebiteekateeko aha kacweka kamwe aha buri omu turakiti. Mworekye ekibuuzo ekiriho “Eky’Okuteekateekaho” ekiri enyima ya turakiti, reero otebeekanise kugarukayo mukigarukemu.

Omunaara gw’Omurinzi Novemba 1

“Iwe noogira ni kishuba ki ekirikukirayo ekiraabehereirwe Ruhanga? [Tegyereza agarukyemu.] Okurugiirira ahari Baibuli, Ruhanga naayenda ngu abantu bamukunde kandi bamwesigye. [Shoma Isaaya 41:13.] Magaziini egi neyoreka ebishuba bishatu ebirikukira kugambwa ahari Ruhanga ebireeteire bamwe bagumirwa kumwirira haihi.”

Awake! Novemba

“Baingi nibeerarikirira aha ku emicwe eriyo neesiisikara omu bantu. Nooteekateeka ngu bantu tibakitwara micwe nka kikuru? [Tegyereza agarukyemu.] Baibuli ekaranga ngu emiteekateekyere n’emicwe y’abantu ekaba neija kuhinduka. [Shoma 2 Timoseo 3:1-5.] Magaziini egi neeshoboorora enshonga ahabw’enki turikubaasa kwesiga ebi Baibuli erikwegyesa ebirikukwata aha micwe.”