Momwe Mungaphatisire Basa Bukhuli

M’matsamba yakuteweraya, mun’dzagumana mavesi ya m’Bibliya ya nsiku iri-yense pabodzi na ndime zomwe zinkufotokoza mavesiyo. Napo mavesiya yangawerengedwe nthawe iri-yense, azinji ambawona kuti ni bwino kuyawerenga ku macibese. Bzimwebzi bzimbacitisa kuti ambakumbukire bza mavesiyo mkati mwa nsiku yense. Kucezerana vesi la nsiku ninga banja kumbabweresa phindu likulu kwene--kwene. Ndipo mabanja ya Beteli pa dziko lense yambawerenga vesi la nsiku pa nthawe ya cakudya ca macibese.

Ndime zace zacosedwa mu Nsanza za Mulindiri (w) kuyambira ya Abril 2016 mpaka ya Março 2017. Mulewengo omwe uli patsogolo pa mwezi wa revista ya Nsanza ya Mulindiri ni mulewengo wa nkhani zakupfunza zomwe ziri mu revista zakunembedwa na ndondomeko wa (1, 2, 3, 4, ayai 5). Ndipo patsogolo pace, pana mulewengo wa ndime komwe zatengedwa nkhanizo. (Onani ciratizo pansipa.) Kuti mudziwe bzizinji, mungawerenge nkhaniyo mu revista yomwe yalatidwa. Tsono kuti mudziwe komwe kunkuyambira nkhani iri-yense, onani tsamba laciwiri la Nsanza ya Mulindiri yomwe inkufotokozedwa mu ndime.