Momwe Mungaphatisire Basa Bukhuli

M’matsamba yakuteweraya, mun’gumana vesi la m’Bibliya la ntsiku iri-yentse pabodzi na ndime yomwe inkufotokoza vesiro. Napo kuti mavesiya yangawerengedwe pa nthawe iri-yense, azinji ambawona kuti bziri bwino kuyawerenga ku macibese. Bzimwebzi bzimbawathandiza kuti iwo ambakumbukire bza vesiro nsiku yenseneyo. Kucezerana vesi la ntsiku na banja lanu kun’dzakuthandizani kugumana phindu likulu kwene-kwene. Ndipo mabanja ya Beteli ya pa dziko lentse la pantsi yambawerenga vesi la nsiku pa nthawe ya cakudya ca kumacibese.

Nkhani zomwe ziri m’kabukhuka zacosedwa mu Nsanza ya Mulindiri (w) kuyambira mwezi wa Abril, 2019 mpaka ya Março, 2020. Mulewengo omwe uli patsogolo pa mwezi wa Nsanza ya Mulindiri ni tsamba la revistayo ndipo mulewengo omwe unkutewera ni ndime zomwe nkhaniyo yatengedwa. (Onani ciratizo ca bzimwebzi panyansipa.) Kuti mudziwe bzizinji bza nkhaniyo, mungaiwerenge mu revista yomwe yalatidwayo.