Momwe Mungaphatisire Basa Kabukhuka

M’matsamba yakuteweraya mun’dzagumana vesi la m’Bibliya pa ntsiku iri-yentse pabodzi na ndime yomwe ikufotokoza vesiro. Napo kuti mavesiya yangawerengedwe pa nthawe iri-yentse, azinji ambafuna kuyawerenga kumacibese. Bzimwebzi bzimbawathandiza kuti iwo ambakumbukire bza vesiro ntsiku yentseneyo. Kucezerana vesi la ntsiku na banja lanu kun’dzakuthandizani kwene-kwene. Ndipo mabanja ya Beteli ya pa dziko lentse la pantsi yambawerenga vesi la ntsiku pa nthawe ya cakudya ca kumacibese.

Nkhani zomwe ziri m’kabukhuka zacosedwa mu Ntsanza ya Mulindiri (w) kuyambira ya mwezi wa Abril 2023 mpaka ya Março 2024. Número yomwe iri patsogolo pa mwezi wa Ntsanza ya Mulindiri ni tsamba la revistayo ndipo número yomwe ikutewera ni ndime zomwe nkhaniyo yatengedwa. (Onani ciratizo ca bzimwebzi panyantsipa.) Kuti mudziwe bzizinji bza nkhaniyo, mungaiwerenge mu revista yomwe yalatidwayo.