Ndondomeko ya Mdzinga wa 7 Outubro

MDZINGA WAKUYAMBIRA PA 7 OUTUBRO

Nyongo 92 na Mpembo

□ Pfunziro la Bibliya la Gwere:

fg mapfunziro 8-9 (mph. 30)

□ Xikola ya Utumiki bwa Mulungu:

Kulewengedwa kwa Bibliya: Wayefezo 1-6 (mph. 10)

N.° 1: Wayefezo 4:1-16 (mph. 4 ayai zakucepa)

N.° 2: Kodi Bzimbathandauza Ciani Kulinga Cakuyamba Cirungamo ca Mulungu?—Mateu 6:33 (mph. 5)

N.° 3: Kodi n’Cadidi Kuti Bzipembedzo Bzense Mpsabwino?—rs-CN tsam. 84 ndime 3 mpaka tsam. 85 ndime 1 (mph. 5)

□ Mtsonkhano wa Basa:

Nyimbo 59

Mph. 5: Bzomwe Mungalewe Pakugawira Marevista mu Outubro. Nkhani yakucezerana. Pambulani mphindi ibodzi kuti mulewe thangwe lomwe wanthu wan’dzacitira cidwi na marevistayo m’gawo. Patsogolo pace, mwakuphatisa basa nkhani ya pa tsamba lakutoma la Nsanja ya Olonda, kumbirani kuti abveseri alewe mibvunzo yakunyosa cidwi ca munthu. Ndipo, akumbirenimbo kuti walewe mavesi yomwe yangalewengedwe. Nthawe ikabvumiza, citanimbo bzibodzi-bodzi na Galamukani! Latizani momwe revista iri-yense ingagawiridwe.

Mph. 20: Phatisisani Bzomwe Bibliya Limbalewa pa Misinda ya Nkhawa—Mbali 1. Nkhaniyi ifokotozedwe na mkulu. Mbali ya mibvunzo na mitawiro, ya m’nkhani ya pa matsamba 4-8 ya mu Utumiki Bwathu bwa Umambo bwa mwezi uno. Mibvunzo in’dzabwera pa tsamba la pambali.

Mph. 5: Womwe Wankuphata Basa mwa Mphanvu. (1 Watesalonika 5:12, 13) Citani mibvunzo kwa akulu awiri. Njaponi maudindo yawo m’gwere? Kodi wambakwanisa tani kusamalira maudindoyo napo iwo wambaphata basa na kusamalira banja? Kodi wambakwanisa tani kuikha utumiki patsogolo? Kodi wanthu wa m’mabanja mwawo ambawathandiza tani?

Nyimbo 123 na Mpembo