Bzipsa bza Umambo N.° 38 kuti Tidzagawire mu Novembro!

1. Kodi wanthu wambabvunza ciani bza anyakufa? Kodi mibvunzoyi in’dzatawiridwa tani mu Novembro?

¹ Infa ni nyamadulanthaka wa wanthu wense, bziribe basa na bzomwe wambakhulupira. (1 Wakolinto 15:26) Wazinji wambabvunza kuti anyakufa wali kuponi, na penu wan’dzawonana nawo pomwe. Tenepo, magwere kuzungulira dziko lense, wan’dzagawira m’mwezi wa thunthu Bzipsa bza Umambo N.° 38, bza msolo wakuti Kodi Anyakufa Wangakhaledi Pomwe na Moyo? Kampanya yakupambulikayi in’dzayamba pa 1 Novembro. Kampanyayo ikadzamala, Bzipsa bza Umambo N.° 38, bzin’dzambaphatisidwa basa mu utumiki ninga ka tratado.

2. Kodi ka tsamba Bzipsa bza Umambo N.° 38 kadakonzedwa tani?

² Momwe Kadakonzedwera: Ka tsamba ka Bzipsa bza Umambo N.° 38, kadakonzedwa kuti kambafunyidwe, kuti kutsogolo kwace kuwonese msolo wakutokonya mtima, pabodzi na mafala yakuti: “Kodi mungati . . . inde? ne? ayai pinango?” Nyakulewengayo akafungula Bzipsa bza Umambo, iye an’dzawona bzomwe Bibliya limbalewa pakutawira mbvunzo omwe ni msolo, na bzomwe piciro la Bibliya lingathandauze kwa iye. Iye an’dzawonambo mathangwe ya kukhulupira Bibliya. Kumbuyo kwa ka tsamba Bzipsa bza Umambo, kuna mbvunzo kuti iye aukumbukire na kumulimbisa kufuna kudziwa pomwe bzinango.

3. Kodi ka tsamba Bzipsa bza Umambo N.° 38 kan’dzagawiridwa tani?

³ Momwe Kan’dzagawidwira: Kampanyayi in’dzandendemerana na makampanya yakugawira micemo ya Cikumbuso na ya mtsonkhano wacigawo. Akulu wan’dzatsogolera pa nkhani ya momwe gawo lawo lin’dzapsinkhidwa, mwakubverana na tsamba lomwe wadatambira ya nsiku 1 Abril 2013. Magwere yomwe yana gawo ling’ono, yangathandize magwere ya pafupi yomwe yana gawo likulu. Pakutenga mudwi wanu wa Bzipsa bza Umambo N.° 38, kumbukirani kutenga kokha bzomwe mun’dzakwanisa kugawira pa mdzinga wense. Mkati mwa kampanyayo, matsambayo yangagawiridwe m’mbuto zakugumanika wanthu pambuyo pakugawira nyumba na nyumba m’gawo lense. Penu matsamba yense yan’perekedwa mwezi ukanati kumala, bzin’funika kugawira mabukhu yakugawira pa mweziyo. Pa Nsiku ya Malinkhuma yakutoma, tin’dzatsungira kucita kampanyayo, m’mbuto mwa kuyambisa mapfunziro ya Bibliya. Pa nsiku za kumala kwa mdzinga, tingagawirembo marevista bzikafunika. Kodi munkucita makonzedwe kuti mudzathandize mwakukwana kampanyayo?