Filipinas

“Kutumiza Mensage pa Nthawe ya Nvula”

Tsamba 63, ndime 2 mpaka tsamba 64, ndime 1

Greg na Alma adafuluka aciyenda ku ntsuwa ya Catanduanes ku Filipinas kuti akatumikire komwe kukhana kusaya kukulu kwa apalizi wa Umambo. Mbuto zinango zikhali za mapiri, tenepo Greg na Alma akhafunika kufamba makilometro 12 kuti akafike ku magawo manango. Nthawe zinango iwo akhambayenda na mwadiya kwa maora mawiri kuti akapalizire ku ntsuwa zinango. Nthawe za nvula, bzikhakhala bzakunesa kwene-kwene kuti acite ulendo bumwebu. M’mbuto mwa kundokhala pa mui mwakusaya kucita upalizi buli-bwense, iwo adayamba kuphatisa basa kobiri za mbasera za mu mtedwe zomwe zikhaperekedwa na maempreza ya mtedwe, zomwe zikhawathandiza kutumiza mensage pa mtengo wakufewera.

Greg adalewa kuti ambayamba mensage na kunemba dzina lace. Patsogolo pace ambanemba kuti: “Ndikufuna kugawana namwe mafala yakucokera m’Bibliya.” Libodzi mwa mavesi yomwe iye adawona kuti njakuthandiza ni Juwau 17:3. Akamala kulewa vesiro, iye ambabvunza mibvunzo miwiri ninga yakuti: Kodi Mulungu wacadidi mbani? na Kodi Jezu Kristu Mbani? Patsogolo pace ambakumbira munthuyo kuti atawire. Munthuyo akatawira, Greg ambamuuza pomwe vesi linango, ninga la Psalymo 83:18. Ndipo munthuyo akatawira mansage yaceyo, iye ambamubvunza penu bzingakwanisike kuti apitirize kuceza naye pa mtedwepo. Greg na Alma adalewa kuti wanthu azinji ambabvuma.

Mkazi munango omwe adaceza na Greg na Alma adacita mibvunzo mizinji pakulewa bza Bibliya, ndipo adayamba kumbatumizirana mensage. Bzimwebzi bzidacitisa kuti pfunziro la Bibliya liyambike. Mkaziyo adayamba kumbauzambo m’bale wace na anzace wakubasa bzomwe iye ankupfunza. Pakumalizira pace wense atatu adabatizidwa.

[Tsamba limweri palibe 5, 6]]