Mareferensiya ya Kabukhu ka Mitsonkhano ka Moyo Wathu na Utumiki
4-10 FEVEREIRO
CUMA CA M’FALA LA MULUNGU | WAROMA 1-3
“Pitirizani Kupfunzisa Cikumbu-mtima Canu”
(Waroma 2:14, 15) Pakuti pomwe wanthu wa mitundu omwe alibe cakutonga ambateweza mwacibadwa bzinthu bza m’cakutonga, bzimwebzo ni cakutonga kwa iwo napo kuti alibe cakutongaco. 15 Amwewa ndiwo ambalatiza kuti nfundo za cakutonga zidanembedwa m’mtima mwawo, pomwe cikumbu-mtima cawo cimbawacitira umboni, ndipo makumbukidwe yawo yambawagaza ayai kuwatawiriza.
Kodi Tingapitirize Tani Kukhala na Cikumbu-mtima Cabwino?
6 Kodi tsono bzin’funa kulewa kuti atumiki wa Yahova wokha ndiwo anayo mphaso imweyi ya cikumbu-mtima? Onani mafala ya mpostolo Paulo yomwe adalewa mwakutsogoledwa na Mulungu: ‘Pakuti pense pomwe wanthu wa mitundu omwe alibe cakutonga an’teweza mwacibadwa bzinthu bza m’cakutonga, bzimwebzo n’cakutonga kwa wanthu amwewo napo alibe cakutongaco. Amwewa ndiwo ambalatiza kuti nfundo za cakutonga zidanembedwa m’mtima mwawo, pomwe cikumbu-mtima cawo cimbawacitira umboni, ndipo makumbukidwe yawo yambawagaza ayai kuwatawiriza.’ (Waroma 2:14, 15) Napo wanthu womwe ambabzidziwa lini bzakutonga bza Yahova na pang’onopo, nthawe zinango iwo ambatsogoledwa na cikumbu-mtima cawo kuti wacite bzinthu bzakubverana na mitemo ya Mulungu.
(Waroma 2:15) Amwewa ndiwo ambalatiza kuti nfundo za cakutonga zidanembedwa mu mtima mwawo, pomwe cikumbu-mtima cawo cimbawacitira umboni, ndipo makumbukidwe yawo yambawagaza ayai kuwatawiriza.
Kodi Tingapitirize Tani Kukhala na Cikumbu-mtima Cabwino?
8 Kodi mumbakwanisa tani kucita bzakusankhula mwakutsogoledwa na cikumbu-mtima canu? Wanthu winango ambandokumbukira momwe ankubvera mu mtima mwawo, acisankhula bzomwe acite. Ndipo iwo angalewe kuti: “Bzimwebzi bzinkunesa lini cikumbu-mtima cangu.” Bzikhumbo bza mu mtima bzingakhale bza mphanvu kwene-kwene, mpaka kupumpsa cikumbu-mtima cathu. Bibliya limbati: ‘Mtima ngwakunyenga kwene-kwene kuposa cinthu ciri-cense, ndipo umbafuna kucita cinthu ciri-cense cakuipa. Mbani angaudziwe?’ (Jeremiya 17:9) Tenepo, bzikhumbo bza mu mtima mwathu bzin’funika lini kutsogolera cikumbu-mtima cathu. Koma tin’funika kukumbukira kuti n’ciyani cin’dzadekera Yahova.
9 Bzakusankhula bzathu bzikatsogoleredwadi na cikumbu-mtima cakupfunzisidwa, tin’dzalatiza kuti timbagopa Mulungu, sikuti kulinga kukondwesa bzikhumbo bzathu. Onani ciratizo comwe cinkufotokoza bwino nfundoyi. Nehemiya, omwe akhali mtongi wakukhulupirika, akhana ugo bwakukhomesa mtsonkho wanthu wa mu Jeruzalemu. Tsono, iye alibe kucita bzimwebzo. Thangwe ranyi? Thangwe rakuti iye akhafuna lini kukalipisa Yahova mwa kupondereza wanthu wa Mulungu. Iye adati: ‘Ndiribe kucita bzimwebzo thangwe ra kugopa Mulungu.’ (Nehemiya 5:15) Mpsakufunika kwene-kwene kugopa Mulungu na mtima wense, komwe ni kugopa kucita bzinthu bzomwe bzingakondwese lini Baba wathu wa kudzulu. Mantha yamweya yan’dzatithandiza kulinga utsogoleri bwa m’Fala la Mulungu pomwe tin’funa kucita bzakusankhula.
Kufufudza Cuma Cauzimu
(Waroma 3:4) Kulewa cadidi, nee! Koma Mulungu awoneke kuti ngwacadidi, napo kuti munthu ali-wense angakhale wakunama, ninga momwe bzidanembedwera kuti: “Muwoneke wakulungama pa bzomwe mumbalewa, ndipo mukunde mukambayeruzidwa.”
(Waroma 3:24, 25) ndipo kuyesedwa kwawo wakulungama kuli ninga mphaso yafovolo thangwe ra kudeka mtima kwace kukulu mwa kutsudzulidwa na cakulombolera cakulipiridwa na Kristu Jezu. 25 Mulungu adapereka Kristu ninga nsembe yakumpsinkha pikado, mwa cikhulupiro pa mulopa wace. Mulungu adacita bzimwebzi pakufuna kulatiza cirungamo cace, pakuti thangwe ra kupirira kwace, iye akhalekerera pikado zomwe zikhadacitika kale-kale.
11-17 FEVEREIRO
CUMA CA M’FALA LA MULUNGU | WAROMA 4-6
“Mulungu Ankuwonesa Lufoyi Lace kwa Ifepano”
(Waroma 5:8) Koma Mulungu ankuwonesa lufoyi lace kwa ifepano, pakuti pomwe tikhana pikado, Kristu adatifera.
(Waroma 5:12) Ndipopa ninga momwe pikado idapita m’dziko thangwe ra munthu m’bodzi, idabwerambo infa thangwe ra pikado ndipo infayo idafikira wanthu wense thangwe rakuti wense ana pikado—.
(Waroma 5:13, 14) Pakuti pikado ikhalipo kale pomwe Cakutonga cikhanati kuwoneka, tsono pakakhala palibe cakutonga, palibe munthu omwe angamangidwe mulandu wakucita pikado. 14 Tenepo, infa idatonga kuyambira Adamu mpaka Mozeji, napo kwa omwe alibe kucita pikado ninga momwe Adamu adacitira, omwe adandendemera na ule omwe angadabwera.
(Waroma 5:18) Na tenepo ninga momwe bzidakhalira kuti mwa kuphonya kubodzi kokha, wanthu wa mtundu uli-wense adayeruzidwa kukhala wakutaza, na tenepombo na cinthu cibodzi cakulungamisa, wanthu wa mtundu uli-wense ambayesedwa wakulungama kuti akhale na moyo.
(Waroma 5:21) Thangwe ranyi? Kuti ninga momwe pikado idatongera pabodzi na infa, tenepombo kudeka mtima kukulu kutonge mwa cirungamo na kuti kutsogolere ku moyo wakusaya kumala mwa Jezu Kristu, Mbuya wathu.
Kufufudza Cuma Cauzimu
(Waroma 6:3-5) Ayai, kodi imwepo mun’dziwa lini kuti tense omwe tidabatizidwa mwa Kristu Jezu, tidabatizidwambo mu infa yace? 4 Tenepo, tidaikhidwa m’thenje pabodzi na iye mwa kubatizidwa mu infa yace, kuti ninga momwe Jezu adalamusidwira kwa anyakufa mwa mphanvu ya umbiri ya Baba, ifepanombo tikhale na moyo upsa. 5 Penu tidaphatana naye mwa infa yace, tin’dzakhalambo wakuphatana naye pa kulamusidwa ninga iye.
(Waroma 6:7) Pakuti ule omwe wafa, atsudzulidwa ku pikado yace.
18-24 FEVEREIRO
CUMA CA M’FALA LA MULUNGU | WAROMA 7-8
“Kodi ‘Munkudikhirira na Mtima Wense’?”
(Waroma 8:19) Pakuti cirengedwe cinkudikhirira na mtima wense kuwonekera kwa wana wa Mulungu.
(Waroma 8:20) Pakuti cirengedwe cidaperekedwa ku mkhalidwe wapezi, sikuti mwakufuna kwace, koma na kufuna kwa ule omwe adacipereka, thangwe ra cidikhiro
(Waroma 8:21) n’cakuti cirengedweco cin’dzatsudzulidwa ku ukapolo bwa kubvunda cicidzakhala na ufulu bwa mbiri ya wana wa Mulungu.
Kufufudza Cuma Cauzimu
(Waroma 8:6) Pakuti kuikha makumbukidwe pa bzinthu bzakuthupi kumbathandauza infa, koma kuikha makumbukidwe pa bzinthu bzauzimu kumbathandauza moyo na mtendere;
(Waroma 8:26, 27) Mpsibodzi-bodzimbo, mzimu umbatithandiza pa kutepa kwathu; thangwe nthawe zinango timbadziwa lini bzomwe tin’funa kukumbira mu mpembo, koma mzimuyo umbadandaulira m’mbuto mwathu na mafala yomwe tiribe kuyafotokoza. 27 Tsono ule omwe ambapenda mitima yathu ambadziwa cakulinga ca mzimu, pakuti mzimuyo umbadandaulira m’mbuto mwa anyakucena mwakubverana na kufuna kwa Mulungu.
25 FEVEREIRO–3 MARÇO
CUMA CA M’FALA LA MULUNGU | WAROMA 9-11
“There la Muti wa Maoliva”
(Waroma 11:16) Kuthumizira bzimwebzi, penu mbali ya mtanda omwe wadyedwa ninga cisapo cakuyambirira njakucena, mtanda wense ngwakucenambo. Penu muzi ngwakucena, mithambi njakucenambo.
(Waroma 11:17) Tenepo, penu mithambi inango idakhwadzulidwa, ndipo iwepo napo ndiwe mthambi ya muti wa Maoliva wa m’thengo, udaphatanidzidwa pakati pa mithambi yakusala, ndipo udayamba kugawana nawo mafuta ya muzi wa muti wa maoliva,
(Waroma 11:20, 21) Bzimwebzi mpsacadidi! Iwo adakhwadzulidwa thangwe ra kusaya cikhulupiro, tsono iwepo udaima thangwe ra cikhulupiro. Leka kubzikuza, koma mbagopa. 21 Pakuti, penu Mulungu alibe kulekerera mithambi caiyo, iwepo an’dzakulekererambo lini.
(Waroma 11:25, 26) Pakuti ndin’funa lini kuti abale mukhale wakusaya kudziwa cinsinsi cakupambulikaci, kuti muleke kubziwona ninga wakucenjera: Ajirayeri winango adaumisa mitima yawo, mpaka udapita mulewengo wense wa wanthu wa mitundu inango. 26 Ndipo mwa njira imweyi, Jirayeri wense an’dzapulumusidwa. Ninga momwe bzidanembedwera kuti: “Mpulumusi an’dzacokera ku Ziyoni ndipo an’dzafundusa kutali bzicito bzakuipa bza Djakobi.
Kufufudza Cuma Cauzimu
(Waroma 9:21-23) Ciyani? Kodi mun’dziwa lini kuti nyakuumba ana ufulu bwakuumba combo cakulemekezeka, na cinango cakusaya kulemekezeka na dongo libodzi-bodziro? 22 Apa tani penu Mulungu adalekerera mwakupirira kwene-kwene na bzombo bza ukali bzomwe bzikhathemera kupfudzidwa napo kuti iye akhafuna kuwonesa ukali bwace pabodzi na mphanvu zace? 23 Ndipo tani penu adacita bzimwebzo kuti alatize kukula kwa umbiri bwace kwa bzombo bza nsisi, bzomwe adabzikonza kuti bzikhale bzakutumbizika,
(Waroma 10:2) Pakuti ndinkuwacitira umboni bwakuti iwo ana nyongo pakutumikira Mulungu, koma sikuti mwakubverana na cidziwiso caico.
it-1 tsa. 1260 ndi. 2
Nyansanje, Nsanje
Nyongo Yakulatizidwa Mwakuphonyeka. Munthu angalatize nyongo, ayai nsanje, thangwe ra cinthu cinango, ndipo angakhale ankulatiza nyongoyo mwakuphonyeka, acikalipisambo Mulungu. Ndibzo bzomwe bzidacitika na Ajuda azinji m’magole dzana yakutoma. Iwo akhakumbuka kuti angadawonesa cirungamo mwa kumbateweza Cakutonga ca Mozeji. Tsono mpostolo Paulo adalatiza kuti nyongo yawoyo ikhali yakuphonyeka thangwe akhalibe cidziwiso cacadidi. Tenepo iwo alibe kukwanisa kulatiza cirungamo ninga momwe Mulungu akhafunira. Iwo akhafunika kuzindikira bzakuphonya bzawo acibwerera kwa Yahova mwa Jezu. Bzimwebzi bzingadawacitisa kuti awonedwe kukhala wanthu wakulungama, ndipo angadatsutsidwa lini na Cakutonga. (War 10:1-10) Saulo wa ku Tarso akhali m’bodzi wawo. Iye akhali munthu wakubzipereka kwene-kwene ku cipembedzo cacijuda, mpaka adafika pa ‘kuboneresa kwene-kwene gwere la Mulungu.’ Iye akhacita nyongo ya kumbateweza Cakutonga cense, ndipo akhabziwona ninga ‘alibe mulandu uli-wense.’ (Wag 1:13, 14; Waf 3:6) Inde nyongo yomwe akhaiwonesa ku cipembedzo cacijuda ikhali yakuphonyeka. Iye akhana mtima wabwino, ndipopa Yahova adamulatiza kudeka mtima kukulu mwa Kristu acimuthandiza kuzindikira kunama kwacadidi.—1Tim 1:12, 13.