Momwe Munganembere Tsamba

• Phatisani basa endereso yanu. Mukawona kuti kuphatisa basa enderesoyo ni nzeru lini yabwino, mungaphatise basa endereso ya Nyumba ya Umambo kokha mukabvumizidwa na akulu. Tsono LEKANI kuphatisa basa endereso ya mthambi kuti munthuyo aiphatise basa pakukutawirani.

• Phatisani basa dzina la munthuyo penu mukumudziwa. Bzimwebzi bzin’dzacitisa kuti munthuyo aleke kukumbuka kuti ni tsamba la bza malonda.

• Samalani na momwe mwanembera. Onesesani kuti mwanemba bwino ndipo mwaikha bzizindikiro bzense bza kanembedwe. Tsambalo lin’funika kukhala na mawonekedwe yabwino. Mukakhala kuti mwanemba na manja, onesesani kuti mwalinemba mu njira yakuti munthuyo akakwanise kuwerenga. Ndipo tsambalo mun’funika kulinemba na mafala yakusaya kunesa kubva ninga momwe mungadalewera mungadakhala kuti munkulewalewa na munthuyo maso na maso.

Tsamba la ciratizoli linkulatiza nfundo zimwezi. Ndipo mpsakufunika lini kukopiyari fala liri-lense pa mafala yomwe yali m’tsamba la ciratizoli, pa nthawe iri-yense yomwe mun’funa kunembera tsamba munthu wa m’gawo lanu. Nembani tsambalo mwakubverana na cakulinga canu na mwakubverana na cikhalidwe ca dera lanu.