Kukulisa Luso Lathu Mu Utumiki​—Kupalizira Mwakuphatisa Basa Kamera ayai kupalizira munthu omwe alibe kufungula msuwo wace

Thangwe Ranyi Mpsakufunika: Pakuti ciwembo ciri pentse-pentse, azinji ambagopa kupitisa kumui kwawo wanthu omwe ambawadziwa lini, ndipo ambaikha makamera ayai ambaceza na wanthu pomwe msuwo wawo udafunga. Ndipopa bzingakhale bwino kupalizira wanthuwo mwakuphatisa basa kamera ayai pomwe msuwo wawoyo udafungapo. Pinango bzingatinese kupalizira munthu omwe tikumuwona lini. Tsono malango yakuteweraya yan’tithandiza kuwona momwe tingapalizirire mwakuphatisa basa njira zimwezi.

MOMWE MUNGACITIRE:

• Mbawonani bzinthu mwakuthemera. Wanthu azinji omwe ambaphatisa basa kamera ayai omwe angafungule lini misuwo yawo angafune kuceza nafe

• Kumbukirani kuti makamera yanango yambayamba kugravari pomwe imwepo mukanati kuyamba kulewalewa, ndipo mweneciro nyumbayo angayambe kukubvani pomwe muli pafupi na msuwo waceyo

• Munthuyo akatawira, lewalewani ninga momwe mungadacitira mungadakhala kuti mukulewalewa naye maso-na-maso. Lewalewani mwakukomedwa ndipo lewani bzinthu bzomwe mungadalewambo bzingadakhala kuti mwenekaciro mui acita kubwera kudzalewalewa namwe maso na maso. Penu munthuyo alibe kutawira, lekani kugravari mafala yomwe mukhafuna kuceza nayeyo

• Mukamala kuceza na munthuyo kumbukirani kuti iye angakhale akuwonani ayai kubva bzomwe mungalewe