KUKHALA NA MOYO WACIKRISTAU

Latizani Khalidwe Labwino pa Kupalizira Nyumba na Nyumba

Pomwe ali mu upalizi pa msuwo wa nyumba ya munthu, m’bale ankusonzokera pa janera, m’bale ankudya mkate, ndipo m’bale munango ankunemba mensaje

Akristaufe m’dzikoli timbakhala ninga “cakusenzekesa m’thambwe lakusenzekera.” (1Wak 4:9) Ndipopa mpsakudabwisa lini kwa ifepano pomwe anekaciro nyumba an’tisonzokera na pa janera ayai tikambaceza nawo iwo adaima pa msuwo. Pinango nyumbayo ingakhale na câmera ayai mikrofoni yomwe imbathandiza mwenekaciro nyumbayo kutiwona, kutibvesera, na kutigravari. Onani njira zinango zomwe tingalatizire khalidwe labwino pa kupalizira nyumba na nyumba.—2Wak 6:3.

BZAKUCITA BZATHU (Waf 1:27):

Lemekezani mweneciro nyumba mwa kuleka kumbasonzokera m’nyumba mwace. Lekani kudya, kumwa, kulewalewa pa mtedwe ayai kutumiza mensaje pomwe mudaima pa nyumba ya munthu

BZAKULEWALEWA BZATHU (Wayef 4:29):

Mukafika pa mui pa munthu, lekani kulewa ciri-cense comwe mun’funa lini kuti mweneciro nyumbayo abve. Apalizi winango abaimisa pang’ono macezayo kuti asiye mweneciro nyumba akumbuke bwino-bwino bzomwe ankucezeranabzo

Abale awiri adaima mwa ulemu pa msuwo wa munthu pomwe ali mu utumiki ndipo mweneciro nyumba ankulingirira na pakabuli ka pa msuwo wace

BZAKUCITA BZATHU (Waf 1:27):

BZAKULEWALEWA BZATHU (Wayef 4:29):

Kodi ni njira zinango ziponi zomwe tingalatizire khalidwe labwino pa kupalizira nyumba na nyumba?