Thandizani Anyakupfunza Wanu wa Bibliya Kupfunza Fala la Mulungu

Kuti tithandize anyakupfunza wathu wa Bibliya kudziwa Yahova na kukhala Akristau wakukhwima mwauzimu, tin’funika kuwathandiza kuti iwo ambapfunzembo okha bzinthu bzinango sikuti bzomwe timbawapfunzisabzo basi. (Mat 5:3; Ahe 5:12–6:2) Iwo an’funika kudziwa momwe angapfunzire Fala la Mulungu.

Kucokera paciyambi, latizani nyakupfunza wanu momwe angakonzekerere pfunziro la Bibliya ndipo mulimbikiseni kumbacita bzimwebzi. (mwb18.03 tsa. 6) Ndipo mulimbikisenimbo kuti ambacite mpembo akanati kuyamba kukonzekerako. Muthandizeni kuwona momwe iye angaphatisire basa bzinthu bzathu bzakufufudzira pa kupfunza. Muthandizenimbo kuwona momwe angawonere nkhani zipsa mu jw.org na JW Broadcasting^®. Pang’ono na pang’ono apfunziseni kuti ambawerenge Bibliya ntsiku zentse, kuti ambakonzekere mitsonkhano ya gwere na kumbafufudza mitawiro ya mibvunzo yomwe anayo. Athandizeni kuti ambakumbukire bzomwe akupfunza.

ONANI VIDIYO YA MSOLO WAKUTI, THANDIZANI ANYAKUPFUNZA WANU WA BIBLIYA KUPFUNZA FALA LA MULUNGU, MUKAMALA BVUNZANI ABVESERI KUTI:

• 

  Kodi Rita wathandiza tani Duminga kuwona kuti kupfunza Bibliya kumbaphatanidza bzizinji sikuti kundodziwa mitawiro?

• 

  Kodi n’ciyani comwe cidathandiza Duminga kutsimikizira kuti Yahova alibe kuphonyeka kuletsa upombo?

• 

  Kodi n’ciyani comwe Duminga adabvesesa pa nkhani ya kukumbukira bzomwe akhapfunza?