Maswaka Mbatsudzukani na Abereki Wanu

Thangwe ranyi mun’funika kumbauza abereki wanu bzomwe mumbakumbuka? (Mim 23:26) Thangwe Yahova adapereka udindo kwa iwo kuti ambakusamalireni na kukutsogolerani. (Sl 127:3, 4) Tsono bzin’dzakhala bzakunesa kuti iwo akuthandizeni mukambawabisira bzinthu bzomwe bzimbakunesani na kukucitisani thupo. Ndipo mu’dzaluzambo kudziwa bzinthu bzabwino bzomwe bzidawacitikira pa moyo wawo. Kodi mpsakuphonyeka kuleka kuuzambo bzinthu bzinango abereki wanu? Ni nthawe lini zentse, tsono muwonesese kuti mukunamiza lini abereki wanuwo.—Mim 3:32.

Kodi mungambaceze tani na abereki wanu? Yezerani kunyang’ana nthawe yabwino kwa imwepo na kwa iwo. Penu bzimwebzi mpsakunesa, citani kuwanembera tsamba la momwe imwepo mukubvera. Tani penu iwo aninyosa nkhani yomwe mumbafuna lini kuiceza? Kumbukirani kuti iwo an’funa kukuthandizani. Mbawonani abereki wanu ninga axamwali, lekani kumbawawona ninga wanthu omwe ambakuwengani. Nyongo yomwe mun’cita kuti mumbaceze na abereki wanu mwakutsudzuka, in’dzakuthandizani moyo wanu wentse.—Mim 4:10-12.

ONANI VIDIYO YA MSOLO WAKUTI MOYO WA MASWAKA—KODI NINGACITE CIYANI KUTI NIMBACEZE NA ABEREKI WANGU? MUKAMALA BVUNZANI ABVESERI KUTI:

• 

  Kodi Esther na Partik adazindikira ciyani?

• 

  Kodi mungapfunze ciyani na ciratizo ca Jezu?

• 

  Kodi abereki wanu adalatiza tani kuti ambakufunani?

• 

  Kodi mitemo ya m’Bibliya ingakuthandizeni tani kukwanisa kumbaceza na abereki wanu mwakutsudzuka?