Kampanya Yakupambulika Yakudziwisa bza Umambo bwa Mulungu mu Setembro!

M’mwezi wa Setembro, tin’dzacita kampanya yakudziwisa wanthu kuti ni Umambo bwa Mulungu bokha bomwe bun’dzamalisa mabvuto yentse yomwe tikugumana nayo. (Mat 24:14) Kodi imwepo mungathandizire tani? Fotokozerani wanthu azinji cinembo comwe cikulewa bza Umambo bwa Mulungu m’mwezi umweyu. Munthu akafuna kudziwa bzizinji, mupaseni Ntsanza ya Mulindiri N.° 2, 2020. Muzungireni pomwe munthuyo, ndipo bzikakwanisika yambisani pfunziro mwakuphatisa basa broxura lakuti Khalani na Moyo Wakukondwa Mpaka Kale-kale!. Omwe angafune kutenga upainiya bwakuthandiza m’mwezi umweyu wa Setembro, angasankhule kupereka maora 15 ayai 30.

Umambo bwa Mulungu bun’dzapfudza maboma yentse ya pa dziko la pantsi. (Dan 2:44; 1Ak 15:24, 25) Tilokotere mpata umweyu kuti tilatize kuti tikufuna kuthandizira Yahova na Umambo bwace!