Mbalatizani Ntsisi

Vesi: “Kondwani na omwe akukondwa, lirani na omwe akulira.” — Aro. 12:15.

Kodi n’Ciyani Comwe Jezu Adacita?

Jezu na anyakupfunza wace akubuluka m’mwadiya ndipo akuyenda komwe kuna thimu la wanthu lomwe likhawadikhirira m’mphepete mwa nyanza.

VIDIYO: Jezu Akubvera Ntsisi Thimu la Wanthu

1. Onani VIDIYO, ayai werengani Marko 6:30-34. Patsogolo pace kumbukirani mibvunzo iyi:

Thangwe ranyi Jezu na apostolo wace adayenda ku mbuto ya “okha-okha”?
Kodi n’ciyani comwe cidacitisa Jezu kupfunzisa thimu la wanthu?

Kodi Tikupfunza Ciyani na Bzomwe Jezu Adacita?

2. Ifepano timbafuna kupalizira wanthu ndipo timbafunambo kuwathandiza.

Tewezerani Jezu

3. Mbatetekerani mwatceru. Mbacitisani kuti wanthu ambafotokoze momwe iwo akubvera na bzomwe akukumbuka. Pomwe iwo akufotokoza, mun’funika lini kuwagaza ayai kuwagwata mafala. Imwepo mukambatetekera mwatceru, mumbalatiza kuti mukulemekeza bzomwe iwo akukumbuka.

4. Mbakumbukirani munthu omwe akufuna kudziwa bzinthu bzizinji. Mwakubverana na bzomwe mudaceza na munthuyo, bzibvunzeni kuti:

‘Thangwe ranyi iye an’funika kudziwa cadidi ca m’Bibliya?’
‘Kodi kupfunza Bibliya kungamuthandize tani kukhala na moyo wabwino na tsogolo labwino?’

5. Mbalewani nkhani yomwe njakufunika kwa iye. Mun’funika lini kucedwa kumulatiza momwe pfunziro la Bibliya lingatawirire mibvunzo yace na momwe lingamuthandizire pa moyo wace.

ONANI POMWE IBZI

Aro. 10:13, 14; Afil. 2:3, 4; 1 Ped. 3:8